生活的智慧 19

做人有時真係防不勝防, 有時時運低, 遇倒一d心術不正之人！損人而不利已之事都會發生！

有次在一商塲有個浴缸按摩器的展覧, 黄sir同友人站在一旁參觀並低声評論！黄sir 同友人話: 個按摩器用濕電！一旦在水中漏電咪大劑？

點知旁邊有個陶三姑咁樣衰的肥師奶, 大大声同個示範員講, 呢位先生話你架嘢漏電嫁, 電死人喎！呢條八婆真好耳！又夠八！黄sir俾佢吹到啤一聲！想解釋都無從說起！只見示範員回身去家具部, 叫同事攞把菜刀出泥！

黄sir走都走唔切！落荒而逃！真吹漲！

又試過有一次, 黄sir同家人等的士, 剛有一的士轉彎停在身旁！黄sir不以為意, 上咗車, 見後面有幾個大儍哥似的江湖人物在媽义我, 截左佢地糊！黄sir以為上咗車冇事, 作出勝利手勢！誰知此的士佬爆陰毒！竟想停下車, 等班友濕我！嚇得我吖！呢個的士佬真衰格！可能原先特登停係我身邊, 陰我…..同玩班江湖大佬！

原來世界上有d人, 天生邪惡！無事生事！遇倒d咁嘅無聊人真係幾有智慧都死！

黄sir以前在個同事, 又係一個如此這般人物！周時在部門搞風搞雨！真係冇佢收！遇倒d咁嘅人, 就要避之則吉矣！