說笑談天 7

我地日日聽人吹咁多水, 究竟應該點看待呢d 說話呢？

先說一個小故事, 有一位老人家和一位小女孩拖住一頭小牛, 走在大路上ｏ

旁邊的人就話: 個老人家都唔識坐上條牛背上, 咁就摼力D啦, 於是老人家就死死氣坐上牛背上ｏ

行咗一段路, 又有人批評: 個老人都冇愛心嘅, 要個細路女行路, 自己就舒舒服服坐上牛背上, 於是老人家又只有死死氣落地, 俾小女孩坐上牛背上ｏ

又行了一段路, 又有人批評: 個小女孩真係冇大冇細, 自己就舒舒服服, 都冇関心個老人家, 於是小女孩和老人家又只好一齊, 同坐上牛背上ｏ

又行了一段路, 又有人批評: 两個人坐住隻咁細隻嘅牛, 容乜易整死隻牛嫁！

結果攪到老人家同小女孩要用件拖板拖住隻牛行ｏ（你估仲有冇人說三道四呢？）

在日常生活, 我地經常遇到上述的情况, 無論你點做, 總係有人在旁說三道四ｏ咁又唔啱, 點都唔啱, 煩都你痴晒線ｏ

面對咁嘅情况, 黃SIR就一於冇理ｏ（有人話我唔聽人批評, 其實我只係唔聽

D冇料嘅批評吧了ｏ）

黃SIR鍾意點做都得, 唔做又得, 而家你見我舒舒服服, 都要好有腦至得嫁ｏ