黄金歲月 4

在黄sir成長的歲月,食物十分匱乏, 當沒有餸吃飯時, 家中有一瓶豬油, 放上熱辣辣的白飯上, 加上小許鼓油, 已是天下第一美味ｏ

如果再加上一隻荷包蛋, 真係幸福到不得了ｏ （現今只煎太陽蛋, D人都唔識 （費事）煎荷包蛋了ｏ荷包蛋是要煎到邊邊蛋白夾縫有小小焦, 而中心的蛋黄依然是流質才正！）

黄sir家中兄弟姐（堂姐）妹 吃飯成圍枱十數人, 所以食飯都要出招, 第一碗例牌裝半碗ｏ 第二碗才大力裝滿,（因為食半碗一定快過人地食一大碗, 有得添飯, 遲了就冇飯添了,  因當年米貴, 唔夠飯食也！）

當年去飲宴也要用呢招, 食翅, 先吃半碗（人地上菜時先出招,  話: 今日冇胃口, 半碗啦！）跟住拿拿臨食完ｏ（人地食一碗熱辣辣的翅, 一定唔夠你快！）

到時向待應及同席者補番句: 哈, 今日D翅又幾好味喎！ 開胃晒添, 整多碗滿嘅！（以前去飲, 翅多數一圍有十三四碗份量嘅, 待應一定冇托手踭！）而家衰到食翅又話唔環保！真無癮！

至於到食鮑魚, 第一件挾上手, 例牌詐帝失手, 跌咗係面前抬面, 再挾第二件上碗, 然後交待一句: 呀！咪嘥嘢, 挾埋枱面個件, 又得米！趙两件！

現今飲宴, 食物冇咁缺乏, 大都冇呢支歌仔唱了, 都係黄sir 細時好玩d！