黄金歲月 17
2010/10/24 00:08:42
網誌分類:
藝術
黄sir細時見過有d職業, 而家已經式微或甚至消失了!
其中一種叫閹鷄佬, 此人就是專業閹鷄, 將隻公鷄的鷄子(睪丸?)取出啩?是一動物的外科手術!也不見佢有打麻醉針, 用手術刀劏開一切口, 取出鷄子後, 隻鷄也不見包紥, 就手術完成o
過街還有一種叫染衫佬, 專幫人收d衫去染!有人叫賣衣裳竹, 係賣”晒”衫的竹嘅!
又有收買佬, 舊嘢, 爛銅爛鉄, 樽樽罐罐, 軍票, 舊幣都收!有用麥芽糖與小朋友交換!
又有磨較剪鏟刀佬!今日舊區尚有擺檔, 不過死一個就少一個了!
至於賣飛機欖, 隨住大厦林立, 已無用武之地矣!
至於外圍佬, 以前收字花, 馬纜狗纜的人, 而家有左馬會投注站, 相信很少人會公開做矣!
但黄sir細時, 周圍都見此類人物!黄sir有位親戚也曾經營外圍!人地就撈到盤滿砵滿, 佢就經常俾人大注煲起!輸到周身債!都算幾搞笑!
至於整遮, 售賣故衣, 賣飛機欖, 隨着社會進步, 也越來越少人做了!
以前尚有人倒夜香, 收哨水(豬哨)!唔知而家仲有冇人入行呢?吓?
+1.送星一粒.