換馬中人壽

　　小弟昨天將買入了一段時間既中移動換馬至中人壽，其實主因都因為中移動既增長速度確係令人失望，繼而令我懷疑中移動既增長空間仲有幾多，於是換入另一隻都係散戶既愛股中人壽，鬼叫我係散戶，所以我都係中個頭埋去，其實主因係人行加息，相信加息會陸續有黎，中人壽有一定好處。

　　半新股９５６新天綠色，大摩細摩係咁買貨，同招股價不遠，相信有一定短炒價值，小弟有ｄ留意佢。

　　中鋁昨天晚上公佈，第３季蝕錢，但全年應錄得盈利，佢地表示主因係成本上升，究竟佢地增加左既係咩成本，呢個要再詳細睇清楚？

　　ｓｏｈｏ中國，相信在６元要橫行一段時間，有感佢上升後已見光，開始多左朋友追貨了。

　　重慶機電，此股幾務實，而且佢既業務正正係中國將來發展所需，確係可以耐心持有。中國銀行繼續坐定定。

　　華能繼續賺好少錢，我相信中央確係意識到國內電企既問題，但係呢個時候開綾燈加電費簡直開唔到口。我相信到時機成熟之後，電力股會升得好緊要，不過坦白講句真係有排等。

　　大市係２３６００點徘徊，炒股不炒市，但相信趁一些主力指數股未上升得好緊要既時候侯低收集確係不錯。

　　相信一眾內銀股低位難見，業績絕對能夠支持其股價。

　　最近小弟工作都係一般般，有感年輕人確係有志難伸，係咁既情況下，個個後生仔都係咁，將來社會點接軌，中國強大起來，可惜香港反而係社會受害者，人民幣升值，港紙鬼咁弱，樓市升得有道理，但打工仔卻加都冇得加。