黄金歲月 27

以往家中煮食, 是燒柴的！在晉成街口一號就是一間柴鋪！

有句俗語, 五十斤柴…… 一樂也！（一樂 即 一束 的意思！）而家都冇人用一樂 做柴的量度單位了！

燒柴首先要有個風爐, 可用技竹筒吹氣點火！而柴要破開幼d 至易燒！話人牀下底破柴………即包撞板也！

以前柴米油鹽醬醋茶是開門七大伴事！就先有柴才成！

話人拉柴, 即係瓜老襯！

後來柴漸漸被火水爐淘汰, 因火水爐更為方便！

煤氣是在新樓建築時才引入！晉成街好像從來冇鋪設煤氣！雖然當年煤氣公司就在隔牆！

似乎冇人用炭在屋內做燃料, 因炭一燒就會產生一氧化碳, 人吸咗就會缺氧而死！切記！切記！

以前生個火, 煮餐飯也得花一番工夫！誰說易過借火？