黄金歲月 30

六七十年代在暴動過後, 香港興起舞會熱, 政府居然在卜公碼頭搞舞會ｏ黃sir都冇執輸, 在中大联合書院張祝珊堂（當年在高街精神病院隔離） 也在聖誕及新舊曆新年搞舞會ｏ

舞會要買飛, 每張三皮嘢, 配合可樂一枝, 蛋榚一件, 現塲大樂隊全晚演奏！

當年舞步, 有三步, 四步, 亞哥哥, 扭腰舞！唔係點駛學就可跳！三步四步, 多數是行吓行吓, 同女伴通吓姓名, 問吓人學系的時間！而 亞哥哥, 扭腰舞 就亂跳一通！同舞伴離身跳, 唔合拍都冇セ相干！有次黄SIR剛上完排球訓練班, 將D上網叩殺, 下手救球, 欄網動作照搬, 一樣掂！

音樂一起, 就得認定目標, 奮勇向前, 躹躬……加句 may I？………亞哥哥, 扭腰舞, 女仔多數冇托手踭！但三步四步, 太樣衰, 就食定檸檬矣！黄SIR果陣年少英偉, 好少失拖！

到中塲開燈, 分汽水西餅時, 有心人就得認定目標, 到了最後一隻舞, 應該送自己啱KEY的新識女孩子回家！所以一早要探察, 不要搞錯, 要送……..沙頭角村長個女！就…….真係李愛矣！

黄SIR 有幾個學友, 都是如此這般, 成就了姻緣的！咁就一世矣！