黄金歲月 55

大家有冇聽過『電燈柱掛老鼠箱』呢句嘢呢？

事源係喺4-50年代,香港好多老鼠, 市政局(依家簡稱叫食環署)為咗方便收集死老鼠,所以喺啲電燈柱度掛啲箱要嚟收屍, 以前香港無咁講究衛生, 最緊要方便,英國統治香港時, 政府做咩都無人夠胆 SAY NO, 所以週圍嘅燈柱都會發現老鼠箱.

點解會話人係………電燈柱掛老鼠箱呢????

你知啦電燈柱咁高, 唔通將個老鼠箱有咁高掛咁高咩, 梗係掛喺就手嘅高度啦,咁香港女仔又唔係咁高, 但係識個鬼咁高嘅男仔, 咁咪用電燈柱嚟形容個男仔,老鼠箱就形容個女仔囉~~~~~

呢句說話而家冇セ人識講矣！黄sir就剛逢其會, 見識過老鼠箱, 內便裝滿消毒用的藥水！一隻活生生的老鼠放進去, 把蓋一掩就功德圓滿！明未！

在晉成街的石梯口就有一電燈柱, 電燈入黑會自動着, 入夜有d叫和味龍的飛禽, 捉倒可用塩炒來食！據說可治夜尿！