黄金歲月 60
2010/11/27 11:45:16 網誌分類: 藝術
還記得以往全家人一齊上影樓, 影全家福的日子嗎?
這是一件大事, 要全家人齊齊整整,, 着好飲衫, 梳靚個蛋撻頭, 擦靚對皮鞋!一齊操上影樓, 排好陣式, 父母居中, 其餘子姪企好!一声令下!全家福…………..禮成!
黄家也影過數次全家福, 在超伯網上間中也可看到, 其中至靚仔就梗係要算超伯啦!其次就輪到黃sir大兄了!黄sir大兄據云認識大導李翰祥的千金!曾做過大特約喎!公認靚(仄声)仔一名趙是!
黄sir二兄雖然都英, 但卻以智謀見稱!例如去觀察母親竹戰, 審時度勢, 然後開口攞零用錢乃黄sir二兄的強項!
黄sir同 六妹(即tt)共七弟, 有相隔頗遠的代溝, 細時很少同埋一齊玩!
至於黄sir(排行第四) 的 三兄 同 五弟, 細細個已回到主的懷抱, 共沐主恩矣!
至於尚有两位堂家姐, 金陵, 銀陵, 現一在澳洲, 一在加拿大!天各一方矣!
回想上影樓的日子, 不知大家又有何記憶呢?
超伯成個張瑛咁欵,成日玩,乜野都有興趣.
二哥係我地達賴喇嘛,精神領袖,我形容比eva姐係咁講.