電光幻影 2

大家仲記唔記得有套叫做 危樓春曉 的粵語殘片, 是講述一班窮苦的大眾, 住在一層危樓內, 是一套不可多得, 人情味極濃之作, 其中充滿了黑色幽默, an >很搞笑ｏ

其中一塲戲, 是黄楚山的太太（黃曼梨有了BB）,一家人十分困苦, 又冇錢交租, 太太又病, 黃楚山又冇工開, 總之好唔掂ｏ

但一晚, 黄楚山忽然豪起來, 請大家, 包括吳楚帆, 張話游, 紫羅蓮, 白燕等人, 食牛白腩, 又飲啤酒, 人人歡天喜地, 好似有喜慶咁ｏ（因為大家都冇錢, 很少機會咁食也ｏ）

席上有人問主人, 點解會有錢請食飯呀？

黄楚山就話, 我賣咗D祖宗留俾我, 一直都唔捨得賣嘅嘢, 都幾十年啦, 而家老婆又病, 又要生BB, 諗到冇計, 唯有賣咗佢啦, 多謝各位多年來照顧, 大家盡量享用啦ｏ（講時唧都唔笑, 十分嚴肅, 煞有介事！）

客人見情况十分特別, 一於問清楚至起筷, 再三追問, 黃楚山才迫住講出來…….

我只不過今朝早, 去医院賣………血！

眼見所有人的筷子, 都夾唔落去D牛白腩！（ 食緊黃楚山D血喎！點食得落呀？）情况十分好笑！黄sir印象難忘也！

呢D幽默, 而家點都拍唔出, 因為要真係窮過, 才會有此經驗也ｏ

當年的導演拍窮人的生活, 真是一絕！

大家有機會, 看看就知道ｏ