或然率的疑惑 4
2011/01/15 01:12:59 網誌分類: 賽馬
精算師 係指利用或然率與統計方法處理保險業務之經營及其相關問題之專家。
精算師之主要工作包括保費之計算、各種準備金之提存評估、長短期資金運用績效預測及股利分配等。精算師的精算方法其中一味, 就係應用或然率嘞!仲當然有其他數學工具添!
精算師做的工作, 就是去預測!預測之所以難, 就係預測係冇得計!或然率大家都知, 只是估估吓而已!保險都係靠搏而已!
講到預測, 在天氣的預測, 有個叫做蝴蝶效應!
在科學上, 有個渾沌原理(CHAOS), 研究的人用數學微分方程式去計算未來的氣象, 但發覺每次計算, 只要起始條件(INITIAL CONDITION)差小小(小數後好多個位, 一樣死!), 結果就差天同地(即係離鬼晒譜啦!)!
於是科學家總結出一個比喻的說法, 即是: 在加勒比海(暗示好遙遠)的一隻蝴蝶拍一拍對翼!(暗示很細微的改變!) 就可能引來日本東京一塲大風暴了!(暗示影響之深遠!)這個就係著名的蝴蝶效應嘞!(唔係好多人識嫁!黄sir私人醒大家嘅!)
很多朋友都想對人生未發生之事, 想作預測, 但如果認識到蝴蝶效應的話, 做人就會化咗D, 因為有時一句無心快語, 或者一個眼神, 引來日後人生之變化可能一樣翻天覆地也!
(防不勝防!又何必執着呢?)
回應 (0)
我要發表