讓生活飛 4

讓子彈飛, 這句在戲中的說話, 有等等, 看看發生d乜, 才行動的意思！能把一句對白, 引為戲名, 又能引發很多人的好奇心！走進戲院看看, 就是此片成功之處！

此片用到四個大明星, 周潤發, 劉嘉玲, 姜文, 葛優ｏ 有此等大牌明星, 真係拍乜片都算係大卡士之作啦！點都有一大班捧塲客啦！仲駛鬼有內容咩？

所以姜文先生可以放胆亂拍一通！無厘頭一番, 等你班友話睇得明！可能根本就是惡作劇, 以本傷人！同全世界d 所謂有文化（？）之士開開玩笑！

陶傑先生看懂了六四隱喻, 馬列隱喻, 小農思想隱喻, 醜陋的中國人隱喻！正在沾沾自喜之際！姜文先生可能只是想乘機摸摸劉嘉玲的奶奶吧了！

如果姜文先生親口証實了陶傑一家之言, 咁佢以後想再拍續集真係難過登天矣！唔通大家當大陸d官老爺冇料到乎？此片亦惡搞埋大陸成班官老爺！唔通惡作劇都禁？太冇幽默感了吧？

能成功創出咁多話題, 令咁多人引發總總猜想！就是此片成功之處！

在數學上, 能提出一成功的猜想, 已可名垂千古！

何况在茶餘飯後, 胡猜一番, 已屬有益有建設性之事！

又何况, 有人能睇明一套人人都睇唔明的戲！的確是高人一等矣！仲識得讚到天上有, 地下冇！相信其人之吹水工夫, 當不在黄sir之下！