我只係想食咖喱牛腩飯

小文發表後各方好友紛紛來電，有罵我、亦有同意的，萬分感謝！
說到底，我只是想指出一點，一個可以容身，實用四百呎的居房應該係一個卑微的基本要求。正如我只要求吃咖喱牛腩飯，我又唔係要去文華東方吃Tea Buffet；你哋有米可以坐A380去蘇黎世買栢特裴麗，我亦可以坐七蚊黄巴去羅湖城買歐米加，各取所需，自得其樂。香港人有一點好，唔會太眼紅人，總之自己做自己事。


問題的核心是政府要減少牛腩及白飯供應，於是一小碟飯賣八十蚊，曾領導人更涼薄說：『你可以去沙頭角買义燒飯，十五蚊有找』。我地啲本土領導人有如此思維，死未？不但冇正視問題，而且覺得問題不那麽嚴重。(請看看温總如何應對國內房價飛漲問題，能否實現是後話，起碼表現出誠意。) 正如我太太說，：『公屋、居屋本就係英國人想出嚟的德政，要你follow都咁難，又唔見英國人時代生怕因供應公屋、居屋會令經濟大幅下滑！』


冇料就係冇料，要認！（冇料的人就自然有很多擦鞋仔， 於是就越來越心胸狹窄，越來越冇料，惡性循環，死症！）

轉自梁明傑信博