隔夜仇
2011/04/01 08:46:24 網誌分類: 生活
乍暖還寒的日子,十個貓爺混戰了一場,事情由米米惹起。 肥米老愛追着小襪逗牠玩,小襪卻總是躲着,兩隻小寶一個追一個躲,作狀打起架來,可是神經質的阿寶聽見了,無端加入戰團,一巴打在肥米面上,打架的訊息傳染病似地傳開,小甘貓耳豎起來,尾巴刷一下散開了。 立即拿起兩本雜誌,意圖把貓隔開,米米且跑且退,一樣中了兩記耳光,發出求救的喵喵聲。此時平日沒作聲的女皇Shane,悄悄閃到阿寶身後,出手拍打牠尾巴,阿寶回過頭來,眼睛都紅了,向左竄撞到小Kidd,咬了牠的貓頭一下,骰仔在旁邊胡胡叫。 一時間,貓爺各自對峙,都不知該安撫那一隻才對,我衝進房取出毛巾,兜頭蓋在阿寶身上,先鎮住最癲的一隻,牠在毛巾內繼續胡胡聲,但好快安靜下來。我抱牠進廚房隔離,只見牠鼻子耳仔全部都紅了,在大聲喘氣。一小時後安定下來,才敢再放牠出大廳。 轉過頭,幾隻衰仔竟然通通捲縮到沙發上,隻疊隻睡在一塊,剛才貓毛亂飛的場面彷彿煙消雲散……都說貓沒有隔夜仇,兩小時前發生的事都可以當沒發生過,只是我的腳上不知那隻衰仔的抓痕,恐怕要幾個月才能消散呢。 關慧玲 |
關小姐:
阿寶係咪個PAT PAT開花未痊癒, 不能如常放臭屁, 令牠滿肚子鬱結, 所以很煩躁, 要找藉口發洩?
Old-Ox
我呢,真係完全被米米征服,十分、非常、極度想攬實呢隻實bum bum嘅貓!
裝喺廚房 ? 你驚佢哋又偷嘢食 ? 點解唔裝多一個喺廳呢 ? 有時唔喺屋企睇吓邊個係滋事者都好架 !
sinsinho,
隻眼仔係裝喺廚房,佢哋在客廰打丫!!仲有打交搞到我咁狼狽,映咗都唔敢再睇。
關小姐 , 你唔係裝咗 眼仔咩 ? 映唔到呀 ?
Old Ox
如果用呢個方法 , 何只變 "聾貓" , 要搬去離島先得囉 , 忽然咁 "茶" , 鄰居唔投訴才怪 , 係人都怕咗你 !
littleduck,
吓??顧得分開佢哋,自己又掛彩,仲邊得閒影低丫???
關小姐,
下次影下佢地打架片段, 一定好好笑...
十貓打架.....場面都好嚇人播.....我諗我會唔知點算好....
old ox
咁樣,佢哋和我都可能變聾貓噃。
"打者愛也"...唔知用係貓爺身上有無效....
關小姐:
以前TVB有個節目, 安排些歌手投身不同工作. 某集, 周國賢獲安排到愛護動物協會照顧狗狗. 當狗狗打架, 他指不要試圖用任何工具將牠們分開, 而係介紹用一對鈸互相撞擊, 狗狗聽見"茶"一聲, 便會自動分開. 不知這方法可否應用在貓貓身上?
Old-Ox
old ox
是呀,阿寶愈老愈神經質,聽到別人胡胡聲,完全不關牠事,牠都可以主動走去打人先嘅。我都不知可以怎樣?但佢一被分隔開一陣,又會無事。
關小姐,十隻可愛貓爺各有性格,冇法啦,,,,做佢地主人有時都要做埋{實Q}架,
我只有兩隻貓爺,但都要請{實Q}架,,,兩兄弟玩完打架,,轉頭又互舔,,,,比佢地笑死架,,我想,這是溝通的一種卦?
Old -Ox,
寶爺的脾氣可不少 , 打人那需講理由 ? 他只對紅豆小姐好呢 !
係呢關小姐 , 全都是男的打 ? 女的只有女皇加入戰團嗎 ?
阿寶為什麼無端端打人? 難怪女皇也挺身而出!!
Old-Ox