有線財經的財女

黃sir 最關心財經, 所以日夜 “痴” 住有線財經台, 果度有位肥師奶財女, 十分有娛樂性, 出語十分之尖酸！有D 口帶鄉音的婦人, 六神無主, 打電話問冧把, 分分鐘俾佢省到一面屁！有D亞伯仲惨, 無知都被噴！（試想似黄SIR咁有知, 會唔會打電話問閣下呀？）但依然好多盲毛俾佢係咁糟質！

佢做 MONEY CAFÉ 仲過癮, 無論乜鬼話題, 佢都叻過晒D請返泥嘅專家學者, 各行各業, 甚至學術範籌, 佢都可以插嘴, 插到D專家學者講唔倒嘢！（專家學者多數有教養, 有禮貌, 你插口, 咪等你講囉！可憐身為捧場客的黄SIR, 就俾佢吹漲咗, 唯有一笑置之！”骨” 一聲吞咗佢！）

同場肥仔孫栢文同李兆富就熟不拘禮, 直接話, 乜姐, 可唔可以俾我講埋先呢？（乜姐完全唔覺自已有セ問題, 難得有線節目的編導都唔覺！經常重覆又重覆犯此毛病！吹到你漲晒！）

呢位乜姐, 佢打斷咗專家學者之言唔緊要, 最惨係佢仲加入D佢自以為是的 ”高見”！（通常都事後証明錯得好緊要！）反而錯過了專家學者之智慧之言！咁請人上去講做乜呢？你セ姐唱晒獨腳戲講晒咪得囉！（呢D 就叫做叻唔切囉！）

乜姐最經典之蠢事是, 佢見倒五號仔（匯豐）跌到33文, 佢居然喊左出泥！（大姐！事後証明, 係應該笑至啱！當時買幾多, 就嬴幾多啦！正笨蛋！）

有次黄SIR 見佢形容個市…….只見身郁…..唔見米白！

如果佢知道這句廣東俗語的真正意思, 佢唔面紅就奇咯！嘻嘻！（好明顯佢就唔地除啦！你話佢幾有料嘞！）