黑色幽默 5

黄sir仲睇過有套叫做 危樓春曉 的粵語殘片, 是講述一班窮苦的大眾, 住在一層危樓內發生的事, 是一套不可多得充滿了黑色幽默之作, 很搞笑ｏ

其中一塲戲, 是黄楚山的太太（好似係黃曼梨有了BB）,一家人十分困苦, 又冇錢交租, 太太又病, 黃楚山又冇工開, 總之好唔掂ｏ

但一晚, 黄楚山忽然豪起來, 請大家, 包括吳楚帆, 張話游, 紫羅蓮, 白燕等人, 食牛白腩, 又飲啤酒, 人人歡天喜地, 好似有喜慶咁ｏ（因為大家都冇錢, 很少機會咁食也ｏ）席上有人問主人, 點解有錢呀？

黄楚山就話:: 我賣咗D祖宗俾我嘅嘢, 一直都唔捨得賣, 都幾十年啦, 而家老婆又病, 又要生BB, 諗到冇計, 唯有賣咗佢啦ｏ多謝各位多年來照顧, 大家盡量享用啦ｏ（講時唧都唔笑, 十分嚴肅, 煞有介事！）

客人見情况十分特別, 一於問清楚至起筷ｏ再三追問, 黃楚山才迫住講出來, 我只不過今朝早, 到医院賣咗自已D血！

眼見所有人的筷子都夾唔落去D牛白腩！（食緊黃楚山D血！點食得落呀？）情况十分好笑！

呢D黑色幽默, 而家點都拍唔出, 因為窮過才會有此經驗也ｏ

當年的導演拍窮人的生活, 真是一絕ｏ

大家有機會, 看看就知道ｏ