全民退休保障

民主黨提出香港應實施全民退休保障ｏ仲遊行示威發大泥攪！

觀乎字面的解釋, 全民退休保障, 自然是大家退了休, 就有政府養, 生活質素不变, 大可以唔駛做, 日日唱歌, 跳舞, 快活過神仙！何等美好！何等逍遙自在！唔贊成果D 正笨蛋！正儍瓜！

但有D 人指出, 此事財政經濟上不可行, 因香港人口結構正如一倒金字塔, 將來老的人多, 後生工作的人少, 做死班後生, 納好重稅, 都未必夠養班老嘢！呢D 係好遙遠的將來的事！咪鬼煩先啦！𡙡國搞到唔掂, 自然就取消了事啦！

又有人指出, 政黨只是用此寶藥黨手法, 呃大家選票上位！吹水唔抹咀而已！但生果金, 一掟蕉, 就加到一千皮！無花無假！又唔見政府冧！

黄SIR 的看法就是, 人無遠慮, 必有近憂, 政府近年賺大錢, 既有能力派錢派通街, 何不益吓班老人家呢？如果今次派通街, 改為只派俾六十五後長者（黄sir申報利益: 黄sir尚未到六十五！）, 起碼派多十年ハ年全無問題！咁都算全民退休保障改良版啦！或者派俾退咗休的長者！（咁黄sir都有份啦！）

此類資源分配問題, 人言人殊, 各人有各人利益考慮！一定越講越火滾也！

諗諗吓, 不如收咗政府六千皮！再慢慢同政府講耶蘇啦！

速磅！速磅！唔好两頭望！嘻嘻！