亂世高人

三國演義中, 諸葛亮本來就在南陽耕田, 得閒寫吓blog, 吹吓水, 自比管樂（即管仲, 樂毅）, 自已覺得天下無敵, 同黄sir都有得揮！

時人稱佢為卧龍先生, 仲話卧龍鳳雛, 得一可得天下！

如此一來, 就引來政治野心家劉備先生的興趣！演出了一幕三顧草蘆的訪高人戲塲！令千古亂世高人, 皆以此為晉身酬世的目標！

其實所謂高人, 就係一d平日好得閒, 又冇乜嘢做, 又讀埋好多唔等駛嘅書, 又唔駛揾食, 成日吹水, 自我感覺良好, 吃喝玩樂之人！

但一旦機遇到來, 亂世高人就能呼風喚雨, 出謀獻策, 名垂千古！

但亦有好多冇乜人賞識, 終身都係悠悠閒, 享吓清福, 唱吓粵曲, 跳吓社交舞, 寫吓BLOG！烏吓烏吓咁過日子ｏ

講緊乜水？你話呢？吓？