古今多少事，都付笑談中

近日最多人講之事, 就係美國佬射殺拉登！

拉登呢條友, 做咗單911 大單嘢, 一直被美國佬追殺, 一如喪家之犬, 人間蒸發了十年, 睇泥呢段日子都幾唔好過！除了心理上有d 為聖戰犧牲的安慰外, 相信匿埋渡日, 完全冇乜樂趣可言！是一個政治宗教狂人, 才可能做得出此等行徑！正常人實在難以認同！

美國佬一直主宰了現今普世政治經濟的價值觀, 又自動做世界警察！實在難理解到地球上, 尚有另類人的想法, 同生活方式！

這就是現今世局如斯混亂的主要原因了！

一個個什麽自由, 什麽民主的口號, 被各地什麽政客們用作興波作浪！香港也毫不例外！

一個什麽自由經濟, 什麽資本主義, 就被強國用作掠奪蠢國資源的藉口！

日本仔領過嘢！泰國 越南, 印尼全都領過嘢！而家大陸佬如果唔夠聰明, 一樣死！美國出佐班大鱷, 搞吓搞吓, 搞到連自己友都食埋！你話死唔死！

一招狂印銀紙, 就可用作吸金財技！人人玩財技, 連超人個哨牙仔, 都當咗做老千當係財技, 真係冇眼睇矣！

世局紛紛亂, 日日有新招！古今多少事，都付笑談中！