奸雄之言

曹操之所以被人覺得佢奸, 就係佢講咗句: 寧我負天下人, 不許天下人負我！

呢條友諗嘢真係自私, 自我, 自閉之至矣！但佢表面卻又假仁假義！好似好禮賢下士, 關公斬佢六將, 佢都放關公一馬！

陳宮罵曹, 佢都可以忍佐佢！可見此人實在深不可測！

官渡之戰, 身邊d 人都同袁紹暗交, 佢打嬴袁紹, 搜出所有書信, 一把火燒晒d 證物！放過所有背叛佢之人, 可見佢城府之深！

近世有個吹水王, 厚黑學宗師, 李宗吾先生, 教人做人做事, 要夠面厚心黑！面皮厚就不怕瘀！心夠黑就不會咁易被人所算！可謂正言若反！

做人好多時都係衰心軟！周不時有d 銷售來電, 一聽就上當！黃sir自從試過俾無線收費台滚過！黄sir而家練咗一招！一聽係呢類電話, 立刻收線！完全無計傾！就係咁解！費事衰心軟！

做人有時係要保護咗自己先！雖然唔駛做到奸雄咁極端！但做人先諗咗自已先, 係無セ錯嘅！