生 老 病 死 之 老

黄SIR最近與两位一同退休的同事聚舊, 大家一見面, 不約而同都說退了休數年, 大家都感覺冇乜老到ｏ黃SIR自不然搞笑地講, 係呀係呀！ 我冇腦呀！ 因為退佐休, 冇乜用腦吖馬！

老 在人一生中, 根本是日日進行中, 只不過睇吓當事人怎樣去面對而己ｏ曾經有個同事, 有日同黄SIR講. 老啦！老啦！昨晚洗頭, 發覺在盤中的頭髮, 居然還多過在頂上的, 還可不認老？﹝認真搞笑！有D好後生都甩鬼晒啦！﹞

曾經有次飯局, 超伯話自已老矣！現塲婚宴攝影的工作也不能勝任矣！問佢點解咁講？唉！佢話影了八小時相, 隻腳很酸！還不是老？全家人𣎴禁失笑, 連續影八小時, 後生仔都唔得啦！果陣超伯都成八張幾啦！

人的生命, 十分無常, 有D 去到過百, 五六十才算中年！但古人又話, 人生七十古來稀！咁六十零就果頭近矣！豈不悲哉？

老, 可能只是心態問題, 如果一直保持赤子之心, 積極面對生活, 勤力D去吃喝玩樂, 應該…可能….或者…..會,……..不知老之將至啩？吓？

黄SIR 唱歌, 跳舞 一D 都唔覺自已老！仲好鬼青春添！跳牛仔舞仲有D 似飛仔的感覺也！