樂觀面對逆境 4

歷史上逆境自強, 首推越王勾踐, 佢最有名的行為就係臥薪嘗膽, 卧薪就係瞓係D柴枝之上, 嘗膽就係用條脷試D膽汁的苦味, 時刻提醒自已要積極復國, 係一個很努力去克服逆境的故事！

至於講到窮, 有句俗語, 叫做窮過蒙正, 蒙正先生係一個窮書生, 不善生產, 家徒四壁, 連年尾謝杜也冇舊肥豬肉, 只能用清水一碗謝灶, 出了名窮！結果老婆都走佬, 同朱買臣兄遭遇一樣ｏ（覆水難收 的成語就係出自朱買臣佢老哥, 因為佢發佐之後, 佢老婆想復合, 佢就在馬前倒一盤水出去, 要老婆從地上收番盤水番泥, 結果梗係唔得啦！）呢D故事都係教人莫欺少年窮溉ｏ亦都係逆境自強的故事！

人生際過難料！黑起上泥, 頭頭踫着黑！買盒牛奶都撞正三聚氰胺！

如何面對逆境, 先要搞好EQ, 切忌怨天怨地！無語問蒼天！何必偏偏選中你？選中都無法！只能認命！

有宗教信仰的人有福了！因為宗教自有信念支持閣下渡過難關！一句神自有安排！就掂過碌蔗啦！

信佛家, 人有前世, 後世, 今世, 解釋晒人生所有際遇！

做人一經放低！就自在過自在啦！

正是一切皆是命！半點不由人！千祈唔好自苦！