樂觀性格 4

人生不如意事十常八九, 做人如果冇番D板斧, 真係日日都會坐困愁城也ｏ

能永遠LOOK AT THE BRIGHT SIDE （往好處來看！）的人有福了！因為他（她）們找到了解決辦法！

成語有云 塞翁失馬, 焉知非福, 大家聽過未？

這位塞翁先生, 都唔知佢姓塞, 還是住係塞外, （黃SIR讀書, 只觀大畧, 不求甚解, 有時甚至曲解添, 所以就同人地D看法不一樣了ｏ）

翁自然就係亞伯泥嘞！佢無啦啦唔鬼見佐隻馬, 似乎就好鬼唔好彩, 誰知呢隻馬,原來走鬼咗去溝女, 仲帶埋隻雌馬返泥, 又有埋馬BB添, 鬼咁好彩ｏ（即係失一得三, 仲唔有福？）

但誰知呢隻雌馬原來係隻臭馬, 好大脾氣, 蘇完馬BB, 就患咗產後抑鬱症ｏ

塞翁先生的兒子, 去訓練佢跑英女皇杯, 就俾佢一嘢摔落泥跌跛咗, 斷了一腳, 成了傷健一族, 人人都話呢家人真唔好彩, 整單咁杰嘅嘢ｏ

但誰知時局一变, 要徵兵打塔利班, 跛佬唔及格, 同鄉D人去親, 冇個返得番泥, 到此D人先知道, 塞翁先生真係有福！

呢個就係, 塞翁失馬, 焉知非福？ 塞翁得馬, 焉知非禍？ 的故事了ｏ

所以做人駛乜成日計住吖？

人生有得 有失, 是福是禍？

平常心啦！