尋找快樂之源

追求快樂是人生一大目標,  好多人日日營營役役, 終生都不知如何可以得到快樂ｏ

原來論語, 開宗明義, 第一句 學而時習之, 不亦悅乎？ 己經好直接, 指出做人快樂之源ｏ

原來學嘢, 就可以得到快樂！怪不得好多人的計畫, 都是退了休, 學唱歌啦, 學跳舞啦, 學書法啦, 學太極啦, 學氣功啦, 學呢樣, 學果樣, 學過不停, 終身學習, 咁就可以從中, 得到快樂了ｏ

聖人偉大之處, 原來佢一早知道咁樣係得嘅ｏ 而普通人要試吓試吓, 碰完一次又一次壁, 才揾到原來人生可以咁鬼簡單, 就可以得到快樂, 根本上唔駛做咁多無謂嘢ｏ

曾經 亞歷山大 大帝問一個智者（智者好出名, 人人都識, 搞到黃SIR都費事記佢係边鬼個, 變咗而家講唔出！應該是亞厘士多得……..佢唔少！）快樂之源ｏ

智者見亞歷山大 大帝剛剛征服完雅典ｏ 就問, 咁你下一步又點呢？大帝話, 咪打波斯囉, 打完波斯就打埃及, 再打完跟住就征服全世界 天下無敵！（當時佢知道的全世界, 冇中國！ 冇印度！ 冇東方！ 好鬼無知！）天下無敵！ 就自得其樂了！

智者反問一句,  點解閣下唔可以, 而家就自得其樂呢？一定要做咁死多嘢咩？

大帝當場啞口無言ｏ 唔知點答！（結果大帝未天下無敵！ 未征服全世界！ 三張幾嘢就瓜鬼咗！冇得快樂！）

可見智者之言, 聰明的大帝也難以理解ｏ 普通人, 就更加認為要做好多嘢, 才可以得到快樂ｏ

誰不知, 論語第一句, 已經講咗嘞！你話D人點鬼樣讀書吖！嘻嘻！