知止置之

子曰﹕知之者不如好之者ｏ好之者不如樂之者ｏ

一個知字, 既可解作知識, 又可解作智慧ｏ那麽今次呢句 知之者, 是一個有知識的人, 還是一個有智慧的人呢？ 既然黃SIR同孔夫子咁鬼老友, 我話點就點, 冇得駁, 以前閣下老師教落D嘢, 唔該全部掉咗入垃圾箱, 再冇用了ｏ聽我講就得嘞！

知之者不如好之者, 即是講一個有知識, 有智慧的人 是及不上一個喜歡去做的人ｏ好之者不如樂之者ｏ一個喜歡去做的人卻又及不上一個做得快快樂樂的人ｏ就係咁簡單了ｏ

講來講去, 又係番番轉頭ｏ做人, 做一個喜歡去做的人冇用, 做一個有學識, 有智慧的人都冇用ｏ做人, 一定要做一個快快樂樂的人ｏ 能夠日日快活過神仙才最重要！什麼要叻過人（知之者）, 什麽要勤力過人（好之者）都及不上樂之者（快樂之人）, 孔夫子先生就為大家指出了, 人生最高的目標就是追求快樂ｏ

以唱粵曲為例, 單單懂得唱 就及不上一個喜愛唱的人, 但喜愛唱的人又及不上一個快快樂樂去唱的人ｏ一句講晒, 快樂最緊要！

無論大家工作, 還是玩樂ｏ單單認識 或者喜歡去做, 係唔夠嘅, 一定要做得快快樂樂, 享受做的過程, 才是正道ｏ 明冇？孔夫子話嘅！