人惡有所持

栢芝與霆鋒的事件, 令黄sir想起一句, 人惡有所持 的俗話！

栢芝好命！早年荒唐, 居然冇事！連生貴子, 又有人簽新片約,天價酬勞, 真係要風得風, 要雨得雨ｏ

可惜人心不足！據云獅子開大口, 又要分身家, 又要離婚, 又要自殺！簡直無理取鬧！原因就是, 有人認為別人冇咗佢, 就會無法生存落去！所以可以玩到咁盡！

黃sir 也曾遇過此類壞了腦的人物ｏ 在殖民地時大學的工作, 是長俸制, 非犯了天條, 好少會炒魷！但到了董建華年代, 制度改變, 老師一樣炒得！於是一個新來的同事, 在大學減預算要炒人時, 竟被委以可以郁人之權力！於是此君立刻变臉, 事事向眾同事挑剔, 又呢又路, 又羌又醋！又坐進課堂聽人講課, 又施行總總新招, 搞到神憎鬼厭！終其原因, 是一朝權在手, 便把令來行！人惡自然有所持也！

經常在生活圈子, 也有此類人仕的影子, 有d 人壞咗腦, 以為別人要靠佢才可活得精彩！甚至玩, 都會玩得惡過人！真係冇修也！