走一轉
希臘國會今日將對新財政緊縮方案進行表決，歐盟成員及銀行都在籌備貸款安排，市場對希臘債務危機暫時得到緩解越來越有信心，歐元繼續反彈，歐洲股市造好，亦推動美股強勢向上。
杜指昨日由頭升到尾，以全日最高位收市，大升145點至12189點。標普500指數漲17點，收1297 點。杜指期貨最新報12129點，較現貨低水60點。
港股美國預托證券造好，ADR港股比例指數報22211點，比香港收市高150點或0.7%。匯控收75.83元，比香港收市高0.4%，中移動收72.31元，比香港高0.6%。
希臘首相帕潘德里歐提出的780億歐元削減開支與售出資産計劃方案，是否能夠在國會通過，今晚將有分曉。有消息指德國最大的銀行與保險企業將在柏林與財政部長會晤，就援助希臘方案簽署協議。特大危機當前，雖然希臘街頭因為示威搞到騷亂，但市場相信希臘國會議員唔會咁勇敢去為反對議案孭飛。希臘國會一旦通過議案，歐洲債務危機暫時得到緩解，市場信心就會恢復。
市場對歐洲債的危機獲得緩解的樂觀預期，推動歐元由1.42美元上升至1.4323美元。歐洲股市全線向上，德國及英國股市升近1%，法國股市收高1.5%。歐元升，美元跌。美元指數由75.828回落至75.49，推動原油及黃金等大宗商品價格造好。紐約原油昨日升2.5%至每桶92.89美元，最新先破每桶93美元。黃金亦重上每安士1500美元上方，最新報1502美元。白銀價格亦跳升逾半成。
油股及金屬資源股明顯造好。其中Exxon Mobil升2.2%；全球最大的銅金生產商Freeport-McMoRan Copper & Gold 及美鋼都升超過3%。
美股昨日升勢凌厲，主要係受外圍影響，內部經濟得益於春夏間購房旺季的開始，美國房價較3月上漲0.7%，但扣除季節性影響，仍下跌0.1%，比較去年同期房價仍然下跌4%，反映樓市整體仍未有改善。目前止贖房屋充斥市場，經濟增長放慢，加上失業率高企，房價唔係咁易上。
我估若希臘國會通過緊縮政策，歐盟和國基會貸出資金亦唔會係問題，市場會鬆一口氣，短期反應就係將口味由避險投資轉向風險投資，加上歐洲央行下周議息，加息機會好大，亦刺激市場的風險胃納，短炒方向向好。
不過外匯投資者要小心，特別係買歐元的朋友，市場上有不少人睇得好好，認為歐元好快會重上1.5的高位，又話澳元會再創新高，但你睇吓商品走勢，唔似好強，有機會未來反彈吓之後，又會回軟，所以唔好盲目去炒商品和外匯，順勢走一轉炒一兩個星期可以，唔使睇得咁長也。至於港股得唔得，就唔單止睇大圍市走勢，仍要睇吓大陸個市係唔係轉角。
陸羽仁
陸羽仁覆網友
牆頭草:早幾日低位買咗澳元，而家都差唔多可以食糊啦，佢6月3日高位1.0774，有機會造個小雙頂，下周歐元加息會有利風險貨幣都跟上少少，但上穿不會太多，所以唔貪心可食糊，或全部清倉。若心大心細可以先清一半，等下星期再炒一炒清埋。歐元6月7日高位1.4696，今次有加息之助，或者可以試近啲呢個位，我估宣布加息日就係高位，想沽等那日才沽安全啲(唔好等特里榭開記者會，因為次次升完到佢開記者會就回頭)，否則沽完佢回下，又唔夠深，又話加息下周初又炒上，好易被人挾住。
Iwanttoknow:中行先天不足，股價較落後，息率較好，但市道好時增長性不足。農行還有上市首三年的保護期中，盈利較有保障，所以農行好少少。
Bluepanda:釋放石油儲備有啲用，但形容為石油QE3又誇張左啲，兩者最大不同是QE是印銀紙，可以無限制大量供應，石油儲備供應有限，影響亦有個譜。
Nevermind.band:你問QE2完結影響，我的理論是金融海嘯後，美國經濟復元慢，中國等新興國家復元快，所以初段美股彈得慢，中國、香港股市彈得快; 到美國QE2就將情況扭曲，因為美國再推錢出街，美元弱美股續升，但中國卻要因錢太多而加強打壓，變成美股強，大陸股弱。到QE2完了，若無QE3，美股會弱番啲，而中國打壓勝利完成後，有可能中國股市強番過美股。
Any:高盛調低全年目標係合理之舉，佢本來係最樂觀的那一個，調低少少合理啲。內房汽車二選一，如果你夠後生又愛風險，可選內房。但3元左右的吉利亦有一定防守性。
陸Sir:
3元的#175長線投資夠安全未,內房同汽車股二選一點揀?
認同高盛調低恆指全年目標嗎?
陸sir,
澳元 1.07 是否要清倉 ?
歐羅 1.45 是否可 short ?
陸Sir：請問3988中行與1288農行，如何取捨？哪個較好？原因呢？謝謝賜教！
bluepanda ...
yeap ... us is so innovative ... suspect us is implementing the commodities' QE ...
sigh ...
ps but i doubt it can be successful or not ... cos nature resources is limited ...
sigh ...
人仔C兄: 扣飯鐘錢老闆話生意難做, 豬肉被空, 佢可以買便宜肉呢...
今早看新聞話那個XX能源機構可能再倒油出街.....美國要攪另類QE3?
世界變....大師救我......
動物兄: 恒指一年波幅平均為6000-8000點, 25000如是頂部, 底部咪係.....
oh....no.....
子龍 ...
please don't worry ...
see step walk step ...
sigh ...
ps the world has been changed ...
sigh ...
目標大劈4000點，至25000點???
動物兄, 救我......
陸sir,
先謝過您上次回答有關瑞郎的問題.
美國經濟在海嘯後尚未復完. 但股市已彈升至12,000 水平. PE 13倍, 比香港11倍還高. (但美國失業率9%, 香港只有4%) 坊間認為主因是美國放鬆銀根, 造成資金湧入股市. 所以即使公司盈利尚未復完. 但因資金多, 做成盈利不升, 但可接受PE 值上升, 刺激股價上升.
但現時QE2 完結, QE3無期. 但QE2資金不回籠. 是否美國股市未來一年應該牛皮或調整? 因為沒有新資金入市, 又沒有盈利因素帶動.
還是因為美國風險相對歐洲低, 變成歐洲資金湧入美國股市變相即使沒有QE3, 美國股市未來一年仍然看好呢?
最後, 今次全球升市本來就並不是由公司盈利帶動, 而是由資金帶動. QE2 完結是否指示資金市完結, 直至下一次資金市(QE3)出現 或公司盈利再一次上升之前, 全球股市只會牛皮, 甚至調整?
幾天來街市很多空了豬肉.....檔主擔心客人來怎辦....
【明報專訊】港股昨天在期指結算日交投淡靜，恒指再現虎頭蛇尾。券商輪流看淡港股表現，高盛指雖然本港基本因素良好，但內地緊縮政策遲遲未見完結之日，將恒指年底目標大劈4000點，至25000點，並看好賭股及本港零售股。
I have already anticipated this BULL-3 is so weak ...
So my profit-taking would starting around hsi 24,xxx this time ...
SIGH ...
PS the world has been changed ... people confidence are so weak ... mid-to-long term investment are not viable anymore ...
SIGH ...
物競天擇 適者生存
2011年06月30日
昨日係期指結算日，但大市無乜決戰氣氛，比較淡靜，大戶似乎轉倉下月再戰。港股走勢同上日差唔多，又係先升然後跟內地回，上證綜指跌1.1％，但外圍亞洲市好多升1％以上，港股收市接近唔升唔跌，收市倒跌1點，收22061點。國企指數明顯跑輸大市，跌82點至12405點，大市成交只有619億元。
中資金融股繼續受清理地方融資平台問題困擾，成為拖低大市的主要元兇。恒生中國H股金融行業指數下跌0.9%，內銀股好多跌超過1％。不少外資認為問題大鑊，如標準普爾金融機構評級資深董事曾怡景話，中央政府若不介入解決地方政府債務問題，10萬億地方債務中2.5萬億元可能成為壞帳，內地銀行業的壞帳率或提升6個百分點。我覺得阿爺都要快啲為呢個問題定案，唔係壞消息傳傳吓就俾人當真。
快餐零售壓力漸增
昨又係一個業績公佈小高峰，好多在3月底年結的公司公佈業績，我較注意快餐兄弟的業績，小弟弟大快活(052)
在中午先公佈，業績唔錯，截至今年3月底止年度，營業額16.7億元，增長6.6％，純利1.24億元，較去年同期的9,327萬元增加32.8%，每股基本盈利0.9855元。毛利率由對上年的13.9％提升到14.5％。即使扣除出售非流動資產所得的1560萬元，純利都有1.08億元。建議分派末期股息每股0.32元以及特別股息每股0.12。由於純利上升理想，派正常股息再派特別息，股價升5.1％，收11.52元。以現價計歷史市盈率12倍。
快餐業大哥大家樂(341)
在收市後公佈業績，至3月底全年營業額增長9％至53.3億元，但受食材和人工上升影響，純利5.1億元，只是微增0.3%，差不多和去年打個和。集團仲因出售金融資產和投資物業重估多咗4000萬收益，若唔計呢部份業績更要倒退。派末期息每股0.45元，另以廿五周年名義派特別息0.25元。
昨日大家樂股份跟住大快活升，升咗2.7％，去到18.92元，以佢最近公佈每股盈利0.9158元計，現價市盈率20.7倍，可以話認真貴。一年前好多分析家推介該股，陸羽仁已警告話成本上升會侵害盈利，投資係睇前景而不是睇往績，係今次又應驗嘞。
大阿哥無肥肉可削
大家樂去年純利率9.6％，大快活純利率只有7.4％，大家樂過去比較有效率，肥肉較少，到成本急升，佢亦無乜好多空間削肉調節。來年全年受最低工資影響，成本壓力更大，盈利易跌難升，大家樂而家都仲有20倍市盈率，盈利唔增長點支持咁高市盈？
大家樂在業績中話餐飲業要作出調整，「餐飲業同儕均需面對物競天擇，適者生存之法則。」聽落都幾大鑊，即係話再咁落去，有人要執笠。其實經濟復甦到咁上下，舖租大升、人工又升、材料又升，飲食業零售業唔係咁易做，已經唔係間間賺大錢，只有做得好好先至得，來年業績係一場淘汰賽啦。
陸羽仁
袋鼠：早晨噢，12%食咗一半糊噢。
希臘星期四仲要投多一次票… （唔記得話投乜）
睇BBC World分析，而家呢次救援，主要係延遲個問題到2015年，買下的時間用作鞏固歐洲銀行體系，到時再作有秩序地讓希臘債務違約。
陸sir：點睇青蛙王子呢隻新股？thx
Eric無腳鳥，袋鼠國有不少投資住宅物業，尤其是一手市場的多層大厦 （apartments）或學生宿舍，主要係靠negative gearing（即租金收入不足以支付利息）來推銷，主要係專業人士高收入，身處高稅階，去銀行借錢，租金利息負差額可以扣正職收入，減入息報稅。當然建築商講就回報幾好幾好，更用首年回報保証，隨後好多時都未必如理想，但經濟好嘅時候都可以掩飾一吓。另外袋鼠比較挑剔，呢啲建築物多數材料夠過關就算。除了以上原因，要記住就算有sinking fund，日後維修都有排集齊業主同意。當然有例外（一手或二手），但真係要自己睇清楚，又或者覺得都係睇回報而已，總之層樓唔冧就算，咁樣打啱數都唔係唔可以買。
不過GFC金融海嘯之後，銀行自己都資金緊拙，昅緊資金如何分派借給合適客戶，因此似乎少見咗呢啲建築計劃。
袋鼠會傾向買近市區、中產居民區域的獨立屋。（除了在小鎮中心、位處咖啡街、批薩街附近，那一執有用足料起嘅多層住宅，這是唯一袋鼠心郁郁考慮過想買一個單位… 但都係決定股票增值為先，而且管股票少手尾過管樓）
現在袋鼠國樓市有下跌趨勢，好彩的話，或者會繼續細動作下跌，而不是大插，直至收入追上，咁就perfect。
至於白痴零零姨，要和犀利午作比較，最终我會係睇番回報率（經品質及風險加權）；最終大家地權都係講緊40年的話，雖然北京地王好聽過粵秀區，始終長期萱地增值都唔關小股東事（但這點犀利午略有優勢－地租都要計嘛），而且又唔係自己住、自己開舖，總之地段啲舖頭係好易租得出、準時交租，再假設建築維修差不多，那品質及風險就分別不大。其實袋鼠唔鐘意白痴零零姨，主要係IPO價回報差，因為有推銷包裝（所謂第一隻在港上市人民幣計價投資）及李氏力場溢價。
PS 對你的生活來說，只要人民幣通脹受控，買Ａ股其實仲好，少了匯價風險。
2-month is enough ... i will sell all stocks once it reach 24,xxx ... not thinking of 25,000 ... actually ...
sigh ...
the world has been changed ...
people confidence now is so weak ...
cos all know it is the fire-stick game ...
there is no real investment at all ...
sigh ...
雖然見陸sir和大家咁高興睇2萬5，不過不會再增持2800，要有紀律。
//據聯交所資料顯示，長實主席李嘉誠於6月22及23日，以每股平均價分別108.661元及108.981元，增持7.6萬股及5.5萬股公司股份，涉資1425萬元，最新持股量增至42.61%。//
李生今次只買長實，和黃冇份。
小潘,
唔該晒
希望走呢轉，可以係25000點減持25%內銀，唔係睇淡而係貨太多，沽貨既錢會射去未升既內地電力股，總之搵未升既穩陣股買，到時先算。
希臘國會以155比138票，通過緊縮開支計劃。希臘總理帕潘德里歐獲得所需票數，通過財政緊縮計劃的第一部分。
係咪希臘今晚投票?
bud，
天煞沽升都冇所謂架，破解之道係有貨分段沽，我都唔介意賺得少，有進帳就滿足。
自己對於股市下半年的展望，傾向樂觀，其中一個主因，是明年美國將舉行總統大選，以現今美國居高不下的失業率，奧巴馬要尋求連任，選情並不樂觀。可以預計，奧巴馬絕不會坐以待斃，美國之後應有利好經濟的消息陸續出台。
上一次在位美國總統爭取連任，已是二○○三年。當時年初大市氣氛其實甚差；但下半年卻明顯好轉，一直好到年底。希望今年歷史重演，下半年能反覆回升。從現時消息看，QE3已無望，但奧巴馬應還有另一些振興經濟招數未出。究竟暗藏殺着是甚麼，現階段不用花心思去估計，到出現時自有分曉。
早前國際能源署（IEA）突然出招，將會在未來三十天內，向市場投放6,000萬桶原油」，以捍衞經濟復甦。而美國會釋出3,000萬桶石油儲備，佔該額一半。
此舉立即令油價大跌，數天以來的累積跌幅，一度超過6%。自己視這一行動，為之後美國再推出其他刺激經濟方案的前奏。當油價下跌，自然可以壓制通脹，而且所有成本結構受油價影響的企業，都可以受惠，盈利得以提升，算是提振經濟極有效的一步。
壓油價意圖明顯原本因為中國將大幅下調成品油的進口關稅，石油價格應會上升。但今次IEA的行動，正好抵銷了內地下調入口稅的影響。油價的下跌，正好配合環球投資氣氛的好轉。雖然油價未必會再進一步下跌，但美國政府壓低油價以紓緩通脹的意圖明顯，相信油價會有一段時間在低位牛皮上落，大幅抽升機會不高。
選股方面，可以集中在較能直接受惠油價下跌的板塊，例如航運股。航空股也是可行之選。內地的航空股更是相對值博，因為內地的京滬高鐵通車在即，部分投資者擔心航空股會受影響，不敢大手買進。如果最終證實高鐵影響有限，只是雷聲大雨點小，或會觸發另一輪重估。而且現時估值不高，可以吸納，博之後進一步好轉。
豐盛金融資產管理董事 黃國英（作者為註冊持牌人士）
多謝袋鼠兄，我覺得澳洲房價會比較大陸和香港波幅少一些。我和太太在上海已買樓，如果我再要在上海買樓的話，現在就要交房產稅，還有很多限制，因為我太太不是上海本地人。所以唔會考慮住。我大概明年左右就可以存多一點錢，到時候可能會在香港或者澳洲買樓收租。
澳洲樓是freehold的，但有關收租和買賣稅務方面的事情就不太清楚，到時候再想吧。在香港就比較簡單，只要不是炒樓的，就不用交profit tax。租樓就要交property tax,如果是有限公司hold 的就括免，但就要audit。
反正到時候再想吧！或者說買白痴零零姨好了。
但是如果是投資港股的話，我太太可能不太高興，因為學陸sir話齋為了家庭和諧，我將大部分錢給了太太（當然我們是100%互相信任的）。所以如果買股票的話，我可能只能買A股。A股就可能是買高息的，但銀行股除外，可能會考慮万科和中國的pierre cardine吧。
獸人，若要bull3，我唔要Sep-Nov 2010
，我要Sep-Nov2007 
！
貧窮終結者,
我不過係月供同range trade一起進行而已
唔好搞搞震!
// 佢轉軚既頻密程度仲快過明星換手袋呀 //
月供係王道!
可惜「不慎行咗亨道」!!
Eric沒腳鳥，簡單答案，大部份是永久年期。
雖然技術上袋鼠國土地擁有權是英女皇的，但買入土地後，若地契title是freehold，是享有永久使用權的。如果是leasehold，則是租賃有年期的（地主不一定係crown，亦有地主係私人或慈善團體－粗略講可以叫賣樓不賣地，類似87001那種吧）。當然，土地用途是要按地區市政府的城市策劃的規管。絕大多數市區住宅及商業物業，都是freehold的。這一點地產經紀是答到你的。要查詢可以到州政府的地政署，大約十零廿蚊左右，俾個地址佢就可以幫你查契，契上會列明有乜特別條款（例如最普遍會係需要俾鄰居部份地段通道的權利right-of-way，亦見過一張陳年地契係有一口水井要俾鄰居使用－雖然個井一早填咗）：另外可以詢問上一手交易日期及交易價，及地政署估價（差餉、水費及排污費以此作計算）。
手續上唔係太清楚，照計大約同香港差唔多啩？地產經紀老實的話（亦係法律要求的職責），應該會帶領你去明白程序。但有一份form 1及form 7嘅列表（唔記得邊一份），列出所有有關樓宇的情況，此外，最好留意石棉登記冊上有無石棉（一般情況只要石棉穩定，問題不大，但係拆起樓嚟會好貴）。合約永遠最好搵自己律師跟進，與樓價比唔係好貴。如果商業樓更加要搵埋律師、工程師之類驗樓及查賬（due diligence）。另外如果係多層樓宇或小單位，多數拆咗契（strata，我估香港樓應該係呢一類），要留意公契及管理公司。在拍賣情況，因為拍賣成功時即時簽約及俾按金，拍賣前可以先同賣方經紀商討更改合約中可接受條件（如交吉日、按金金額之類）。
呢邊唔講呎價，總之所有量地、呎間全部照寫，無發水面積呢回事，明碼實價，見乜就係買乜，有時除番呎價係純粹作參考（多是計建築成本、營業額或租金，好少計賣價）。交吉、打士擔在地政署進行。
最後，簽署住宅買賣合約，買方係有冷靜期（但唔記得幾多日，及唔記得拍賣是否例外），無話要撻訂的（冷靜期之後就唔清楚）。
disclaimer : 以上只係一些記憶所及，不保證準確，請尋求專業意見。
扮豬,
趁我jet lag訓著搞搞震
哈仁,
以後在這裏你就是哈享la, 港股交易時間係晚上九點半至凌晨四點，我要訓的噢!
btw, 點解我係美國睇不到陸sir blog...難度....大戶...
費沙兄: 老散如能明白個人所長. 量力而為. 港股市盈率過去一般都在10-20內上落, 只要在大市偏低水平吸納2800, 在偏高水平沽出獲利. 一樣可以盈利呢. 不好錯誤選股, 已經不錯呢.
子龍:
熊市買中上升的股份，知易行難也。做空更非老散專長。師兄所言，理論上有理，但能實行者罕有如深海明珠。
費沙兄: 熊市中一樣有上升的股份, 牛市中一樣有下跌的股份. 重點不在牛市, 熊市. 重點在你買入股份的時機呢. 而且, 投機者如能順勢而行, 熊市不一定要做多, 可以做空. 問題在投機者的想法是否對大市作出合適的反應呢.
子龍:
熊市中，股價跌多升少，基本或技術分析都無用武之地。你說牛熊之分有用否?
cj08: 唔俾機會你上機...
投機不一定盈利, 反而很大機會虧損.
投機重點不在預測 在反應
投機重點不在牛市 熊市 在時機
I anticipate this newly born BULL-3 is also a short-lived one just like the last one Sep-Nov 2010 (two-month lifetime) ...
OK ... two-month is enough ... please explode ... i am ready now ...
HSI 33,000 ... go go go ...
bud兄:
今天好安靜喔,就係唔俾我上機????!!!
几時留返4.4俾我上機呀??
貓狗就係貓狗, o個下後抽真係無得頂...
是熊是牛...不重要...重要是這一刻你的心是熊或是牛咁呢...
謹是慎不了....慎是不謹了....
大師....你能收重生為徒嗎.....
美國不慎印左好多銀紙.....不慎洗大左, 係咪唔使還呢?
動物兄: 點解咁多散戶短炒變長渣呢? 佢仲唔係不慎長渣股票?
不慎炒燶孖展..............
bluepanda ... i think it would be more difficult to convince the judge you are really 不慎長渣股票 ... cos there would be sufficient time for you to decide and sell the stocks during the time-horizon you holding the stocks ...
SIGH ...
有沒有不慎長渣股票呢?