不傳之秘 3

有時每個人生活了一段日子, 可能也會掌握了一些不傳之秘ｏ 以前電視臺婦女節目有位曾近榮先生, 真係好多橋, D衫汚糟佐, 佢又有橋, 屋企汚糟咗又有橋, 總之許多生活小智慧, 相信好多師奶當佢係偶像, 佢有好多傳人之秘！

人有時不知不覺就做成功了一些事, 無端端就有D不傳之秘, 以前我有位男同事,成日研究煮嘢食, 佢真係有好多秘訣, 蒸魚又點點點…….煮水旦又點點點……日日晏飯時就同黃sir講, 可惜黃sir冇興趣學, 否則, 可以寫出來大家研究也ｏ

黃sir看過一個故事, 在某縣某鄉有所廟, 內裡有個求子神, 求子非常靈驗ｏ但求子之人必須誠心（當然要可生育的女子啦）, 齋誡沐浴, 到寺院宿一宵ｏ結果十居其九得嘗所願ｏ

秘密就是, 過了多年, 求得的小朋友長大了（無論男女）皆似足寺廟之主持（應該有D特徵記認！）ｏ 這就是此廟的𣎴傳之秘了ｏ

前人的觀念是教識徒弟冇師父, 一般傳藝皆不傳全套, 多留一两招絕招, 以旁身ｏ

相傳羅成與秦叔寶乃表親, 两人相認後十分投契, 互相交換家傳絕技ｏ

羅成用鎗, 而秦瓊（字叔宝）用鐗ｏ两人發毒誓, 羅成話若有隱瞞, 當死於萬箭穿心; 而秦叔宝則發毒誓, 當死於万馬蹄下ｏ

但羅成傳技時, 教少了一招回馬鎗ｏ

秦瓊就收起了一招殺手鐧ｏ

結果羅成真的死於万箭之下, 秦瓊亦死於万馬之蹄下ｏ

可見古人對不傳之秘的態度矣ｏ