教識徒弟冇師傅 3

徒弟無良, 才會教識徒弟冇師傅, 中國人的觀念, 是一日為師, 終身為父, 徒弟對師傅應該絕不敢起飛腳也！

江湖中人, 最掉忌是欺師滅祖, 連師傅都唔尊重, 想得到別人尊重就難了！

但師傅之中, 亦非個個好人, 有d直情有風就洗盡𢃇！簡直當d徒弟是奴, 是婢, 不單止唔教嘢, 仲周不時虐打！如此師傅, 就不學也罷！

黄sir以前住的晋成街, 街尾是一機器廠, 有d 學師仔, 一到食飯, 就俾師父叫去街市買斗零腐乳, 原來大整蠱, 返到來全部餸食晒！腐乳就係佢嘅餸！你話刻唔刻簿？呢d 師傅, 不跟也罷！

以前收徒弟, 有賣身契, 要將幾年收入全歸師傅, 又有生養死葬之類條欵！記得已故戴思聰老師（老狐？）的此類師徒約, 搞到打官司！都不知誰是誰非了！

但由此可見！師傅有師傳的盤算！徒弟有徒弟的苦衷！

而家乜都有正規學校教, 交咗學費！讀完連謝師宴都可慳番！應該解决了教識徒弟冇師傅這個問題了！