遊澳門 揾嘢食

所謂吃喝玩樂, 去玩, 自不然就四圍揾嘢食, 澳門至出名, 自然係葡國菜, 名店有沙利文, 佛笑樓, 費蘭度之類, 食下葡國鷄, 菲洲鷄, 馬介休球之類！一樂也！

至於懷舊雲吞麵, 雪榚, 豬仔包, 雙皮奶, 一路遊一路食！一定唔會肚空空！

想食翅, 可以整番煲古法鷄煲翅, 四両又有, 八両又有！睇住個荷包叫可也！

黄sir就覺得銀河賭塲的食肆啱港客口味多d, 翠華餐廳都有, 價錢只貴香港小小！平均食物, 銀河平過威尼斯人！威尼斯人FOOD COURT平均皆高過銀河二三十巴仙也！

銀河雲吞麵32文, 威尼斯人五十幾！福隆新街祥記廿皮！

氹仔市區, 黑沙灣皆可一遊, 坐澳門冷氣巴士, 又平又舒服, 行吓沙灘, 食吓野, 著名的費籣度葡國餐廳就在黑沙灣, 小飛象, 木偶等著名葡國餐廳就在氹仔市區！黄sir最近冇去過, 仲有冇不得而知矣！

新的渡假村銀河, 威尼斯人, 新濠天地, 全在氹仔！水舞間就在新濠天地上演！新濠天地仲有飛龍show 睇, 以前免費, 而家好似要收卅皮矣！

永利啱時間有棵金錢樹昇起, 好多大陸佬頭岳岳企係度睇！鐘意迫就去迫吓啦！銀河入口又係, 啱時間有粒鑽石昇起, 好多人係度影相！冇乜料到！

鍾意高可只去旅遊塔！登高遠望, 一覧無違！正, 不過要俾錢！

行吓漁人碼頭, 望海飲杯嘢, 都好有渡假feel也！