法國大餐多舊魚
2011/09/01 23:37:06
網誌分類:
時事
法國大餐即多舊魚咁解!
政府被泛民追擊補選堵塞法案, 話佢冇搞諮詢!好嘞, 而家政府搞諮詢, 根本泛民果邊啋你都傻!一句假諮詢!打殘咗政府!政府做乜都冇用!
惡搞派就現塲掟紙飛機, 搞到好多保安打往黑遮護主!今次唔駛和尚打傘就已經無法無天矣!
根本香港政冶已經冇乜人講理性了!最啱聽就大叫 乜乜乜無恥! 乜乜乜下台!
究竟被閗之人點無恥, 似乎冇乜人會問吓!點解條友要下台呢? 又係冇乜人會理!
因為叫 乜乜乜無恥!乜乜乜下台!任何事件, 任何塲合, 皆合用!完全唔駛用腦!完全唔駛夾口型!一出声就大家啱晒KEY!啱晒呢班搞事之徒!
正如最近港大事件, 社民連在人地集會爭取恢復校內言論自由, 班外來搞事者,大叫平反六四!吹漲晒班港大友!唯有叫佢地死開!
如果喊 徐立之無耻!徐立之下台!就冇咁尷尬啦!正笨蛋!
回應
(0)
我要發表