終身職業
2011/09/10 00:15:22
網誌分類:
時事
又係懷舊的日子, 黃sir成長於五六十年代, 工作於七八九十年代!
想當年, 黃sir見老一輩的朋友, 很容易就揾倒一份終身職業, 就算是做份掃街(無貶意!即冇乜學歷技術專業要求吧了!)也可以安安樂樂!快快樂樂!成家立業!無災無難做到退休!退休後仲有長俸食!安享晚年!
黃sir好多友儕, 就算做份政府低級文員, 做吓做吓都做成世!又可以係終身職業!
舉凡教師, 護士, 甚或 做個老字號的店員, 都可以是一份終身職業!從來冇話擔心被炒(除非犯上很嚴重錯失!)!工作十二分穩定!大家無災無難就到公卿!
但曾幾何時, 香港社會九七回歸後, 政府長俸福利不再, 香港社會管理哲學大变!各行各業皆搞什麼評什麽核!目的就係炒人!所謂汰弱留強喎!大家冇咗終身職業呢支歌仔唱了!
唔係打工仔唔想!而係穩定繁榮好日子不再矣!以前的人情味管理, 冇人再做了!
最近消息傳來, 賺大錢的匯豐也將要炒三千人!即七炒一!唉!香港人點至可以有番份終身職業呢?
唉!英治時, 香港的日子真好!舊陣時, 老一輩的管理哲學真好!
以前細個成日聽人講:"香港人情紙咁薄."一直我都不認同.
係一片懷舊熱後,呢句說話愈來愈合適.
唔怪得回歸嗰幾日,天落雨落得好利害,有人話洗太平地喎,亦有人話上天可憐我們。
講真果句,我真係好懷念97前的時光。
雖然不是餐餐魚翅撈飯,但起碼唔會驚隨時會接大信封囉。