點解經濟咁大鑊

2011/09/23 17:01:40 網誌分類: 時事

23 Sep

近日全世界股市跌到七彩！原因是美債與歐債問題解决不了ｏ

歐銖五國好學唔學, 學美國佬舉債渡日！如似美國佬可隨意印鈔, 則永無爆煲之虞！

可惜歐銖五國乃屬歐羅系統, 冇任印的自由！要靠人買佢地D債泥救住佢先！舉債還住息先！吊住條命, 等慳倒錢, 長命債, 長命還！

但希臘佬仲發窮惡, 不准政府cut 福利﹔不准政府cut公務員！不准政府cut 任何嘢﹔又示威, 又放火！搞到賺錢的旅遊業都瓜埋！搞到救佢d 德國佬, 法國佬都嬲到瓦燒！

好嘞﹔唔救希臘佬, 有好多希臘債的銀行就可能一如雷曼一樣倒閉﹔（今次可能唔止一間添！你話大鑊唔大鑊？）

美國佬今次唔印多d 美金做手腳, 只將長期息壓低！短期息反升高過長期息！令投資者捨股票取債券！咁個股市就冧囉！

冧到幾時停？當你計倒有d穩陣股票＜唔會執之謂也＞, 又有錢賺, 又有息派！又多息過債券, d 聰明錢就回流番股市ｏ咁股市至會止跌回升！

邊隻股票咁正？有隻中電＜002＞就屬於此類！（仲有好多隻大藍籌都有此特點！）

嘻嘻！

回應 (5)

我要發表

2011/09/24 18:52:51 回覆

黃sir: 多謝提醒

我未試過買短線, 愽反彈想將舊錢碌大哟, 去買1881/823長線收息

將賺2800喲錢, 52蚊買咗中電長線收息

短線衰成點冇人知嫁！係呀! 講得啱! 都睇定d先

KC blog 主 2011/09/24 00:37:05 回覆

你睇埋我今日果寫乜先啦！短線衰成點冇人知嫁！

但長線收息, 就等個市跌到過晒籠, 一如上次雷曼股災, 桓生去到十幾厘息, 都冇人買, 就買得過啦！

上次跌到万一至反彈呀！朋友！記唔記得匯豐衰到33皮呀？28皮都有人叫唔好供呀？

今次002 都冇乜跌咋！006都係！

有錢都睇定d先啦！

2011/09/23 23:36:13 回覆

Hi, 黃sir: 您好

第一次留言, 一直有看您的文章, 好認同您講呀! 之前您講過隻2800, 我有買呀!

賺咗少少錢, 多謝黃sir!

邊隻股票咁正？有隻中電＜002＞就屬於此類！（仲有好多隻大藍籌都有此特點！）可唔可以俾多少少參考吓呢? 請問現價買恆生, 港交所, 太古A 愽反彈可以嗎? 謝謝!

KC blog 主 2011/09/23 23:07:12 回覆

公用股都得啦！6號仔港燈, 港鐵, 煤氣, 跌到有六七厘息就買得過啦！

2011/09/23 20:40:34 回覆

除咗中電外，大藍籌仲有邊幾隻呀? ${#icons_cat9}$