笑看天下

2011/10/21 09:01:13 網誌分類: 時事
21 Oct

煲呔曾要不是自爆來自警察世家,老朽一定以為佢來自戲劇世家。事關佢在議事堂上演對住隻雞蛋狂呼「好驚」,與一臉錯愕的「呢度唔係黑社會地方」,當年的吳楚帆都要行埋一邊!佢仲喺《香港家書》話自己唔善於表達內心感受,所以才成日「面黑」!

虛偽得佢啊!煲呔曾最識表達感受就真。記得佢知道老董腳痛下台,自己得米時吹着口哨個得戚樣嗎?成個「一色杏花紅十里,新郎君去馬如飛」咁款,差在未跳「智取威虎山」,你話佢識唔識表達內心感受?

立會答問,煲呔曾又可以理曲詞強,大聲啲都當你爛仔,睇你唔順超就係黑社會。佢喺施政報告又自詡為「繼往開來」,其實開咗無數期票,埋下不少地雷等下屆特首歎。佢仲識運用數字藝術,列舉了一大堆數字,由經濟總量、就業人口、港人平均壽命延長三年……都係佢嘅功勞。

講到養生呢家嘢,睇怕煲呔曾至叻。語云:「沒心沒肺,能活百歲。」既視民望如浮雲,心無牽掛,肺不會氣炸,黑吓面乜毒排晒,想唔長命百歲都難!如果港人平均壽命延長三年,煲呔曾起碼延長三十年。

煲呔曾又話自己「問心無愧」,但港人就唔收貨,指佢施政無方,扶貧不力,任人唯親。不過,佢一於自我感覺良好,民望四十分已心滿意足,懂得睇開放下,活着不累,煲呔曾明年退休,肯定仲有大把世界。

甚麼「繼往開來」——八個字講晒,「始於作偽,終於無恥」,就係咁簡單!

來源:施友朋
回應 (0)
我要發表
user

最新回應

L 人生有幾多個十年

我都有同椽問題,好易攰、成日手、脚、背脊、膊頭痺痛 😖😖

L 人生有幾多個十年

見怪不怪

花姐、淺雪,好耐無見,大家好嗎?

wongi
wongi 2019/03/25

送上星星。

這類男生,香港很常見啊!

向這類人報以一個討厭的眼神。。

淺雪
淺雪 2019/03/25

冷眼看世界..十人何止生九品,,