雛鳳的悲劇
2012/01/05 17:29:41
網誌分類:
影視
現在人人歌頌白雪仙對粵劇有承傳, 肯一手凑大雛鳳, 對粵劇功不可沒!今時今日受盡眾人禮讚!
誰不知雛鳳當年, 捱盡幾許辛酸, 從朱慶祥師傅傳記中知道, 阿刨, 阿嗲唱腔, 係跟朱師傅學(仲係有時會冇錢俾學費果隻), 基本功及身段, 傳自李少華師傅, 任白本身是冇系統性粵劇承傳, 教俾這班雛鳳的!今時今日, 大家叫龍梅去承傳,教授任白藝術, 連任白自已也承傳不了之事, 你叫龍梅點去承傳呢?(白雪仙尚在, 又唔見有人敢叫佢教?)
亞嗲在今次携手五十年演出, 講及入行當年只有小學程度, 相信亞刨也高不了亞嗲多少!試問如此背景, 點搞,理論承傳?講多幾句, 都可能穿崩吧?今時今日, 各方人仕, 責難龍梅冇搞粵劇承傳, 是否強人所難呢?
至於另一憾事, 據謝雪心所言, 雛鳳結婚就要退出雛鳳!亞嗲亞刨犧牲了組織正常家庭生活, 換來了萬千FANS 愛戴!卻又惹來一班仇視別人成功之人, 眼紅人可高票價賣座, 要求龍梅大量捐獻!認真唔化加變態!
今次龍梅演出, 又有人話其他雛鳳點解冇份?哈哈!乜有人想睇其他雛鳳演出咩?吓?
回應
(0)
我要發表