惜別悄無言
2012/01/09 01:03:45
網誌分類:
時事
過了春節, 做埋賀年戲, 到了新曆二月, 聽講新光就收檔了!
回望新光, 真是太多美妙的回憶!
新光最自由, 某次黄sir 聽聽吓歌, 一陣陣麥記炸薯條味傳來, 眼見條亞毛, 食到唧唧声, 個人就肥到, 差D 張櫈都就泥坐唔落!冇人理!
有次有個亞伯, 整盒义鷄飯入泥, 香到隔幾行都聞倒!又係冇人理!
至於傾計, 隨意走位, 都冇王管, 有次黃sir去完廁所, 返到原先個位,俾個成九十幾歲嘅亞毛坐咗!
唉!唯有死死氣揾過第二個位坐而己!
有次黃sir 聽歌, 半場離開(實在難聽得滯!個旦直情鬼揸咁聲!個生又樣衰衰!不聽也罷!)走到門口過路線燈位, 有位亞嬸問黃sir仲要唔要明晚飛!
吓?當街派飛?仲係要錢買果隻!你話怪唔怪?
有次仲古怪, 失驚無神有個同黃sir 咁上下年紀嘅朋友, 埋泥叫聲師兄, 跟手問有冇飛多!有就整張俾佢喎!
靚女白撞, 黃sir就一次都冇試過!醜女白撞, 就經常啦!
至於係場內講電話, 閒話家常, 說東家長西家短, 就經常遇見!
至於未散塲就熄冷氣, 熱天至覺!天泠唔覺!一早離場就更加唔覺!
新光就係咁嘞!仲有蚊咬!睇人啦!
而家收檔嘞!以後又少咗個塲, 睇粵劇, 聽粵曲了!
包容