香港粵劇場地高山劇塲
2012/01/11 00:15:49 網誌分類: 娛樂
新光二月收檔, 咁高山劇塲就重要咯!
高山劇塲, 黄sir經常去啦!呢個塲就管得好嚴!未夠鐘, 一定冇得提早入塲!因劇塲管理層驚發生意外, 劇塲要負責任!
梗係啦, 睇粵劇, 聽粵曲, 成班老嘢, 入咗塲, 等等吓, 等唔切, 分分鐘死咗幾件係裡面, 要D帶位收屍, 就冇癮啦!
高山話明高, 爬到上去, 真係乜都曉!又冇水起條行人自動電梯!等班老嘢練吓氣!散塲黑蚊蚊, 分分鐘碌幾個落山!呢個塲你話好成點嘞!
其實好少專業劇團, 夠胆係呢度賣飛搞演出!要俾錢, 鬼去睇?鬼去聽咩?
塲內又唔俾食嘢, 連飲水都唔得, 有次黃sir食粒糖, 都俾個帶位妹干泄!唉!咁血糖低, 咪死得人!
觀乎高山劇塲專門俾人搞粵曲粵劇演出, 就知特區政府對粵曲粵劇 ”幾” 重視了!
高山劇塲, 你好嘢!
高山好唔就腳,好少去。北角新光勝在交通便利,可惜快要拜拜,上個月演左一唱,臨別秋波,有d唔捨得。
唔俾食嘢和飲水,除了要場地整潔外,有人話是要尊重表演者喎~