樂在其中

似乎有人話過（唔記得係乜水, 年紀大咗, 好多嘢都係約約莫莫）如果想快樂,一定要長懷赤子之心, 用天真無邪的態度去待人, 才可以快快樂樂ｏ

試想一想, 閣下最近一次快樂的經驗是什麽？

是得到別人的讚美？

是中咗六合彩？

是瞓醒覺, 冇病冇痛, 乜事都冇, 無憂無慮？

是唱好一首歌？

是跳好一隻舞？

原來知足, 感恩, 樂於面對現狀！就可以樂在其中矣！

試問人世間, 有幾多人會像吾友郭子儀先生,七子八婿, 福壽俱全吖ｏ

（佢個仔就係粵曲打金技, 打公主果個衰仔ｏ）

果個衰仔嚇到老豆郭子儀死死吓, 得罪皇帝（同佢個女）可能要搞到滿門抄斬也！

好彩佢遇倒個好皇帝, 醒咗佢一句: 唔痴唔呆, 又點做老人家呀？郭子儀先生, 大悟！再冇理D唔等駛嘢！日日可以快樂矣！