食錯藥既多
2012/02/10 09:47:38 網誌分類: 未分類
好苦惱
有一隻雀這十天八天在早上未多夠五點就啼叫起來..
中氣充足..不停叫..叫不停..直至我8點左右落街才避過那些躁音..
嚴重影響我的睡眠..牠叫過不停做乜鬼呢?
難道牠有冤情?還是牠失去伴侶?
照計就唔會是因為覓食艱難..以我所知..我居住左近,,非常多昆蟲..不但種類繁多..而且肥大得很..而且d街坊好多有愛心兼想瘦身..
時時見到咬一半的麵包..拋在公園或路邊..不同種類既雀仔就圍埋開餐..一D都唔怕人..行過佢地身邊..牠們都唔驚你..亦唔駛驚牠們餓親..
咁,,呢隻雀仔想點呀??聽聲音絕不是麻雀..倒有點像烏鴉叫..
印象中..好像2月1號財政預算案一出..牠每天早上就叫..
攪乜鬼呀..難道連雀仔都心有不甘??還是牠食錯藥??
牠是聽了 2月1號的財政預算案.有冤情.所以牠每天早上叫是為民請命呀 ......
嘩!
原來天佑不單止精通音樂,連雀的叫聲都有硏究!
5點開始??
陰公咯...大圍有半邊床位出租,好近您返工,可以瞓到8點..
如果 是
故. 烏~~~~~~~ 故. 烏~~~~~~~ 故. 烏~~~~~~~ 逐漸加快 的.
那是 噪鵑. 春天一到, 就大聲叫 揾 老婆. 多數在 樹頂屋頂叫, 讓聲音傳開去.
只有等 牠 揾到老婆 唯止. 希望 三數天吧.
http://www.hkbws.org.hk/BBS/viewthread.php?tid=3175
如果 有點似 格~~格~~~ 聲, 又或者 賊~~賊~~賊~~ 聲 的話,
可能是 喜鵲. (烏鴉科)
隨機到處叫下. "過嚟呀, 呢面" "快閃, 有麻鷹" 之類. 有時 蒲下西, 有時蒲下東.
過幾天 或會消失.
不過, 出門見喜鵲, 萬事大吉
http://www.hkbws.org.hk/BBS/viewthread.php?tid=459
如果 是 沽沽~~沽沽~~. 是 班鳩. 快快 檢查 屋外冷氣機頂 之類地方, 有沒有築巢. 趁未有蛋前 趕走牠. 生咗蛋後 就不能 摧巢, 犯法的.
http://zh.wikipedia.org/wiki/%E7%8F%A0%E9%A2%88%E6%96%91%E9%B8%A0
如果 是 歌聲美妙 的. 多數是一般林鳥. 豬屎渣, 白頭鵯, 紅耳鵯, 相思仔.
食完早餐後 輕鬆一下, 又或 宣示主權之類.
不過, 聲浪較細, 即是 在你家附近.
可以試下 掛啲 反光CD 碟, 貼啲 大型雀鳥 貼紙 之類
不過, 歌聲美妙, 應可以 接受的.
不過, 如果 是 吖~~~吖~~~~ 咁叫.
要留心是不是 家鴉.
http://www.hkbws.org.hk/BBS/viewthread.php?tid=5253
聰明 又 愛 摷垃圾, 食其他 雀蛋. 是 偷道入境. 星加坡 曾 下 格殺令.
香港 則 用 換走 雀蛋 方法. 好似話可以 舉報 的.