如常渡日

政治祈福黨最叻的一招就係靠嚇！什麽香港核心價值一朝盡喪！什麽亞爺殺到泥（唔係泥咗好耐咩？）什麽23條立法！什麼什麽惡法貪污………..

乜隻狼一上塲就香港淪陷？咁佢做咗九年行會召集人, 香港咪早己死亡！九年同地下黨員共事, 果班人仲在生噃！乜得一隻豬咁死勇呢？

七一上街可以倒佢台？黃sir 又唔信噃！

你班政治失意客, 企圖亂港, 想混水摸魚！你估冇人知乎？

陳方安生是民主女神, 係生果報話之馬！李柱銘是民主之父？泛民都冇共識啦！正一吹水唔抹咀！

689 票都話低？咁 76 票咪要一死以謝天下？呃D 唔識計數的笨人就得！攞Q 晒千二票都一樣低啦！七百万對千二吖馬！

白票多代表流選？呢個係泛民班友話之馬！

流選是要冇人攞倒601票以上, 方需再選過！而家終停要個局, 人人都過万票, 點流呀？流係你呃人唔識計死數之馬！

呢條終停要分明想搞局抽水, 你估亞爺又係傻嘅咩！

呢塲選戰表面是唐梁泛民之爭, 背後是中英美日台各利益集團的角力！

陳方安生出現, 黃sir就立即警覺, 此事非比尋常也！陳老太有冇咁死公義呀！示威緊佢都可以去咗裇髮嘅人, 你仲信佢？

玩完呢局, 九月再玩立法會選舉！又睇吓, 蛇齋餅粽點再呃人！