創意天地

很多人都希望能夠創出一些新意, 發明或者創新, 誰不知, 很多時刻意去做又未必成功, 但無心插柳, 卻有意外收獲, 而且有時創造者也不知原來會咁鬼有用ｏ

例如當年我在中大電子系做助教時, 當年高錕教授已是光纖的發明者, 但當年都冇乜大用, 只知道用光纖會有好多好處, 但純度咁高又咁長的玻璃纖維真是世上難求,  都冇乜實用價值ｏ但當技術發展下來, 互联網的興起, 寬頻的需求, 現在

沒有光纖真是寸步難行, 可見新事物都要配合天時地利人和, 才可以有所作為的ｏ（我肯定話你知, 高教授當年都唔知會咁鬼有用, 我識佢嘛！）

又例如近年崔歧先生（曾是香港培正學生）攞咗個諾貝爾獎, 佢就是第一個發現電子可以二分一或四分一存在的人ｏ試想想, 而家D電子科技是一粒一粒咁玩, 如果半粒半粒或1/4粒咁玩, 係咪會快好多, 同D嘢會細好多呀？但由此一慨念, 到應用出現, 真係等到鬚長都未見也ｏ

所以凡係創意D人, 一定要大胆假設, 可能小心引証唔倒, 都冇所謂, 暫時冇乜用都冇所謂（因為太新, D人都諗唔倒有乜用也）有時會俾人話你儍, 都冇乜所謂, 通常都係, 大智若愚也ｏ

英國某大學, 有班學者（一齊教大學D儍佬！）可能學咗D糢糊數學, 執咗十組八組六合彩買, 買咗十幾年, 結果最近外電報導, 呢班大帝中到正, 各人分水退休矣ｏ

所以你地咪以為黄SIR在吹水, 係我背後笑我！有朝一日你會發覺, D料係堅料, 你就知我有料到了！