保本基金

市塲上有声明保本的基金, 在指定的年期. 有息, 到期可取回本金, 全無風險, 聽來都甚有吸引力吧ｏ

其實折穿了, 原理非常簡單, 只要閣下把錢放入定期存欵, 到期咪本利歸還囉ｏ保本之至ｏ又有何難？

如果黄SIR咁同你整隻保本基金, 收你基本收費後, 再派息給你, 你當然唔肯過我啦, 會落叠至奇也ｏ

但如果我話, 會同你在債券, 外滙, 股票, 牛熊証,等等地方投資, 嬴咗派多D息俾你, 輸咗依然本金保住, 你或者會信噃ｏ（正如好多公公婆婆都入叠一樣）大銀行, 做足廣告, 又點到你唔信呢？

但如果黃SIR又話俾你聽, 我呢個係賭馬保本基金,.係用咗定期D利息去賭馬,嬴咗先至分多D俾你（當然要收取合理的手續費啦ｏ）可能咁講你又會唔制噃, 賭馬咁高風險, 边會實嬴嫁！俾錢你賭, 仲要收費？ 咪鬼搞！

其實市塲上的保本基金, 無論包裝到幾穩陣, 原理其實同上文所述相差不遠ｏ

唉！唔賭又點有高息派俾你吖？揾D息去搏大堆（高風險）嬴咗咪有得分囉！儍鬼！