雲在青天水在瓶 之 栽花與放下

雲在青天水在瓶 之 栽花與放下

有位禪師, 平生最喜愛是種蘭花（有D成百萬一盤）ｏ

某日佢外出, 叫徒弟仔代招顧, 佢最鍾意的一盤ｏ

誰知此君, 正一大泡和, 一個唔該整鬼死咗佢盤花ｏ

當堂驚到鼻哥窿冇肉（我都未試過鼻哥窿冇肉, 唔知有幾驚？）

禪師回來, 小徒弟死死氣叫師傅罰佢, 以為仲唔死梗！

誰知禪師話: 徒弟呀徒弟, 我種花就是為了快樂ｏ

我又點會為冇咗盤花, 而唔快樂呢？

另一故事就是, 禪師在河邊看見一個靚女, 就自告奮勇抱佢過河！

過了河, 靚女就走了ｏ

徒弟仔看在眼裡, 一路想: 乜師傅都鍾意靚女？

行了數里, 終於頂唔順. 問先前個靚女…….

禪師都未等佢講完就話: 我在河邊已經放下了, 乜你仲未放下咩？

黃sir 按: 呢两個故事, 就是禪意了！明冇？