福至心靈
2007/06/23 23:28:18
網誌分類:
文化
當一個人生活了一段日子, 常常都會覺得有運氣這一回事, 當你運到的時候, 真係順風順水, 所謂時來風送滕王閣也o(知唔知呢個典故呀?所以要讀多D書囉!)
這就是說王勃先生的故事o此君在朝廷不得志, 回鄉, 誰知一場風, 將佢隻船吹咗去滕王閣o剛剛當時有一個文人盛會, 無人敢同主人的女婿爭寫序, 呢位老兄, 一個唔該, 就大筆一揮, 寫出了這篇千古傳誦的膝王閣序o
其中寫到, 落霞與孤騖齊飛, 秋水共長天一色 两句時o一直條氣唔順的主人(因搶咗佢女婿之風頭)立即寫個服字o奉佢為上賓!
呢篇文係好值得大家一讀嘅, 古文觀止就有嘞!
講番福至心靈, 如果你有運, 你就自自然然會做出一D行為, 令你行正運o我就試過行行吓街, 無啦啦行咗入投注站, 買咗將自選嘅六合彩, 中咗五個字, 成皮嘢, 都幾福至心靈嫁!
今個星期日, 三T又有七千万, 如果你有運, 買張電腦飛(十皮嘢), 一注攞鬼晒, 就靈到十足啦!
誰住要不經意噃!
回應
(0)
我要發表