智勝諸葛

智勝諸葛

智勝諸葛, 梗係勝過諸葛亮啦, 仲有第二個咩？通常D人認自已叻, 智力高, 一定話智勝諸葛亮, 先至醒ｏ

古往今來能夠未出芧蘆, 巳知三分天下ｏ能呼風喚雨﹝借東風﹞, 開創蜀國, 寫出前後出師表咁感人的文章, 真係舉世無雙的天才也ｏ

所以自稱智勝諸葛的人, 一定係自信心爆棚的人, 以為自己天下無敵, 無人能及也ｏ

誰不知, 三國時代, 最叻的人, 在黄SIR眼中, 並不是諸葛先生噃ｏ

]

你想想, 如果冇人三顧草蘆, 或者一顧, 再顧, 就不繼續揾佢, 佢咪一樣冇得發ｏ

而家你知我話边個至叻啦, 就係果個成日揾到老襯（馬仔）嘅劉備囉ｏ

你睇佢不費吹灰之力, 就揾咗關公, 張飛两個好打之人做佢契細佬！仲識用義氣两字, 縛死呢两條友！做到死為止！ 好橋啩？

孔明先生咁精仔, 都一樣信到佢十足十ｏ初識時, 佢日夜同孔明論政, 有”如魚得水” 呢句成語為証！

孔明一直在佢術中而不自覺, 一生為佢賣命！連佢死之前, 一樣被佢權術縛死, 佢叫阿斗拜孔明為父, 叫孔明如果阿斗唔掂, 自已做王ｏ攪到孔明在大家之前講出 鞠躬盡萃, 死而後已 的說話！永𣎴作反！好橋啩？

所以我認為D自比智勝諸葛的人, 只是一D打工仔心態, 不是做大事的人心態！

所以想幹大事業之人, 應自比智勝劉備, 柴是！