詩詞能渡日

詩詞能渡日

明月幾時有, 把酒問青天, 𣎴知天上宮闕, 今夕是何年？…….

人有悲歡離合, 月有陰晴圓缺, 此事古難全, 但願人長久, 千里共嬋娟！

這首是蘇軾（東坡）兄的水調歌頭, 一首很有名的作品ｏ雖然佢D辭寫得好, 有意思, 但原來此君係唔識工尺嘅, 所以佢D辭就唱唔倒嘞！（唔啱音！）

同時代有個叫柳永的詞家就唔同嘞, 佢D辭唔止唱得, 而且十分流行（古代黃霑！）據說有井水處, 就有人唱柳永詞！……..楊柳岸ｏ曉風殘月！

唐朝就詩, 宋朝就詞, 讀詩梗係唐詩三百首啦, 古往今來, 寫詩的人, 多如牛毛ｏ唯獨是, 好詩, 在唐朝已經寫鬼晒！而家D人所寫者都係垃圾詩罷了！

看看黄SIR的作品:

牀前電視機, 好似張茶几, 舉頭望燈胆, 低頭笑咪咪！（哈 哈 哈 哈！）

呢D唔係垃圾詩係乜？

宋詞當然要讀蘇軾（東坡）辭啦, 一篇 大江東去, 浪淘盡千古風流人物！…….

勁！得閒讀吓, 心曠神怡ｏ

辛棄疾D詞都正ｏ……..正單衣試酒, 恨客裹光陰虛擲！願春暫留, 春歸如過役,一去無蹟…….

李清照D 詞就悲得滯ｏ…….一葉輕舟, 載不動許多離愁！…….獨自怎生得黑？尋尋覓覓冷冷清清淒淒慘惨戚戚……….

岳飛的滿江紅, 就一定要讀ｏ（愛國愛港也！）…….三十功名塵與土, 八千里路雲和月ｏ……莫等閒！白了少年頭, 空悲切！

得閒讀吓唐詩宋詞, 又點會悶泥？明未？