一剪梅　　李清照

一剪梅　　李清照

紅藕香殘玉簟秋。輕解羅裳，獨上蘭舟。

雲中誰寄錦書來？雁字回時，月滿西樓。　　

花自飄零水自流。一種相思，兩處閑愁。

此情無計可消除，才下眉頭，卻上心頭。

李清照乃一代詞家, 粵曲金石緣就係講佢同夫婿趙明誠的家庭生活, 两個人用晒D錢去賣金石印章之類, 去享受精神生活ｏ得閒一齊唱吓粵曲, 有冇做大戲就不得而知了, 一代詞家, 梗識唱嘅ｏ唔識工尺ｏ點填詞呀？

李小姐D詞，以愁見稱ｏ搞到一班東施, 人人都愁！

正所謂, 少年不知愁滋味, 為作新詞强說愁！正是這班人的寫照！

正如粵曲的題材, 又係歡樂嘅少, 悲傷嘅多ｏ唔係隻旦瓜就係個生死, 總之哭哭啼啼, 先至安樂！有時有D唔開竅嘅, 唱到口水鼻涕都出埋ｏ嘩！同佢操曲就大鑊, 一個唔該, 俾佢D口水鼻涕發正, 認真核凸！駛唔駛咁鬼投入呀？吓７都係唱吓雨中緣ｏ十八羅漢收金鵬之初會好D嘞ｏ追女仔ｏ冇咁慘！

李清照有首嘢, 寫咗好多個叠詞, 用泥教D細路識字就最啱嘞！

尋尋, 覓覓, 冷冷, 清清, 淒淒, 惨惨, 戚戚！炸（冇咗火旁ｏ蠢蒙恬！）暖還寒時候, 最難將息, 一杯（定三杯呢？）薄酒，怎敵它晚來風急！………..

呢首詞就係佢癲峰之作了, 有機會讀吓佢D詞, 學吓嘢啦, 不過D愁嘢就咪鬼學啦！

多愁善感, 愁來無方, 向來都不是小弟杯茶！

其實讀李小姐D嘢, 都係以前中學會考要讀之馬！念到死死吓！而家咪記得囉！而家用泥吹吓水！等人都知吓我畿搏學都好呀！