隻 白鴿會抗爭就奇了！

九西「三黃」圍插 白鴿黨

本報近日揭發白鴿黨黨產不清兼漏報利益醜聞，喺尋日嘅一個立法會九龍西直選論壇上，來自不同派別嘅候選人都圍插白鴿黨，不過唔係針對黨產問題，而係批評該黨講一套、做一套嘅特質。

清除記錄

來自建制派嘅九龍城區議員黃以謙，喺論壇上率先向白鴿黨對手黃碧雲發炮，揶揄對方連區議會都選輸，有乜資格選贏立法會。之前標榜和平理性、反對議會暴力嘅黃碧雲，畀人篤中死穴後立即發晒狂，對本身係精神科醫生嘅黃以謙作出人身攻擊：「我爭取民主時你都唔知喺邊？」「精神科醫生精神錯亂呀」，真係失晒儀態囉！另外兩名泛民候選人黃逸旭同人民力量黃毓民，可能睇唔過眼白鴿黨嘅醜行，其後透過互問互答狂踩該黨嘅民主立場。講咗咁多個「黃」，其實九西仲有幾張參選名單唔係姓黃嘅，包括蔣麗芸、梁美芬、譚國僑、毛孟靜同林依麗。

黃sir 按: 白鴿黨呢次仲唔死？想食鐵票效應？邊個會俾面呢個連區議會都選輸的白鴿黨人？

選毓人仲好過啦！隻 白鴿會抗爭就奇了！哈哈！