ＱＥ３憧憬再現

跟據班電視嘈嘈閉評論家！ 估升變咗跌，就係屈膝才可以跳！先跌後才升嘛！哈哈！

哈~~~心直口直，有時會怕得罪左人都唔知的。

舉多個常見的實例你留意下。

例如油價升。

因為油價升，激刺資金入市，杜指升幾多幾多。

因為油價升，市場恐怕引發通漲，杜指跌幾多幾多。

夠唔夠精警呢？同一個理由，油價升，都可以令股市升又得，跌又得。

不過，好多人都信的。

哈哈！多謝相告！ 我都係跟亞視黃sir口水尾吹吓水！ 多謝回應！

消息的野，不要太著意。

市場上，其實，乜野都存在緊。只不過，升時，就講好消息你知。跌時，就講壞消息你知。

如果跟消息走，要攪清楚，那所謂消息，是不是早已存在，還是有心人玩野。

像歐債，其實早已存在，

個市升左時，就話瞳景轉好。【其實，都未轉好，只是瞳景】

個市跌左時，就話，哦！因為市場人士，怕會惡化。【其實，都無惡化到，只是，怕會惡化。】

又好似債息破幾多幾多。要睇番之前夠破啦，點解之前唔跌？而家破，要跌？即係老作啦。

又例如呢句：眾委員在會議中積極討論加推刺激經濟措施。

妖！委員在會議中，當然會積極討論加推刺激經濟措施的啦！那是他們正常的工作。【呀！唔記得，香港好多議員都唔會做正常工作的添。如果有日，我們所有議員都在積極討論，點樣加推刺激經濟措施時，恆指可以升多幾萬點都未定！可悲的是，部份議員，只懂玩政治鬥爭。‥。】

別要被傳媒玩，他們都是收錢講野的。【唔講野無糧出，咪求其隨便講下囉。又有人信先過引。如果有留意。同一個理由，可以令個市升又得，令個市跌又得，都唔知幾神奇。】