點解要感恩

點解要感恩

今日講吓, 點解要感恩！

人如果能知道要感恩, 對人對事, 都一定知道, 要珍惜, 咁做人做事, 自自然然就會, 對家人, 對朋友, 待人接物, 都有分寸ｏ

珍惜, 就不會輕易去破壞, 所以每人, 每日, 每時, 都應心存感激！

因為如此一來, 就𣎴需要, 別人特別討好你的, 因為人家對你好, 不是老馮的！

有D人以為: 人人天生要為佢, 但佢就天生, 從來不去為人人ｏ

對於這類人, 你既不能話佢, 又不能打佢, 講佢又唔明（明就唔會咁做啦）教更加力抗啦！（看看班友反德育及國民教育之烈就知啦！

在此情況下, 宗教 就發揮了偉大的功用了ｏ

因為信咗教, 食又要感恩（祈禱）, 瞓又要感恩（祈禱）, 窮又要感恩, 有錢又要感恩, 日日口噏噏, 感恩！感恩！

潛移默化, 頑石也點頭, 令佢知道 ”感恩” 的偉大ｏ

（黃sir 也見過有D教徒, 不明感恩的偉大！咁祈乜鬼呢？禱乜鬼呢？）

但對於黃sir這類, 天質聰敏, 天下無敵之人, 一早就知道, 點解要感恩的人ｏ

做不做祈禱, 黃sir的行為, 與一般明白點解要感恩的宗教人士相同ｏ

所以黃sir就選擇不需要做這些煩事了ｏ

正所謂: 佛在靈山不遠求, 靈山只在汝心頭ｏ

就是此意！

今日黃sir係咪嚴肅咗D呢？吓？

嘻嘻！